|
|
|
|||||||||||
|
||||||||||||
|
|
|
RBTT BANK Y MASTERCARD CU UN TREMENDO CAMPAÑA! Luis Posner di Aruba Aloë a resulta e feliz ganador! ORANJESTAD (AAN) Recientemente RBTT Financial Group tawatin un campaña hopi atractivo conhuntamente cu MasterCard. Tur companianan den e region Caribense cu ta procesa e tarheta di credito aki via RBTT Bank por a participa pa asina gana un viahe pa dos persona pa Brazil pa asina wak un tremendo wega di clasificacion pa Copa Mundial entre Brazil y Paraguay E premio aki por a worde gana na cualkier isla den Caribe unda tin un RBTT Bank ta opera, pero a toca suerte di Aruba Aloe akinan na Aruba pa bay cu e grandioso premio. E viahe exclusivo aki, a ensera un roundtrip pa Brazil, estadia na un hotel di cinco estrea y entradanan pa e wega di futbol na Sao. Paulo Sr. Luis Posner kende a gana e premio aki, a regala su ruman homber Sr. Ike Posner e premio aki. Sr. Ike cu a bay Brazil a worde acompaña pa su amigo Sr. Ulrich Tromp durante e trip aki. Durante un bishita na RBTT Italiëstraat nan a conversa cu Management di RBTT pa asina comparti nan experiencianan inolvidabel cu nan a pasa na Brazil. Riba e potretnan por admira algun di e momentonan aki.
Na Aeropuerto EXPOSICION DI POTRET DI ARTISTA LOCAL SHAKIRA TROMP ORANJESTAD (AAN): Dia 24 juni 2009 un exposicion di arte di potret titular “Aruba nos Naturalesa nos Baranca Stima” di fotografo Shakira Tromp a worde inaugura oficialmente na Aeropuerto Internacional Reina Beatrix door di Minister Ramon Lee y Director di AAA N.V., Peter Steinmetz. Pasaheronan saliendo for di Aruba por relaha mientras cu nan ta admira e berdadero beyesanan di Aruba cu Shakira a fotografia. E reto mas grandi di Shakira tabata pa convence e bishitantenan di e exposicion cu e potretnannan aki a worde saca na Aruba. “Masha poco hende sa cu Aruba tin lugarnan asina bunita” segun Shakira ora cu el a splica e tema central di su exposicion. E exposición di e 25 portretnan bonita aki ta na gates 1 y 2 di aeropuerto y ta complementa e exposicionan di otro artistanan local cu AAA tin na nos aeropuerto na gate 4 (“The Cycle of Flight”) di Sr. Greg Peterson y na e Arrival Corridor (“Notice the Unnoticed”) di Sra Janine Flanegin.
ANTRACO ARUBA GROUP CELEBRANDO SU DI 45 ANIVERSARIO SIRBIENDO COMUNIDAD DI ARUBA ORANJESTAD(AAN)-- Den luna di September, Antraco Aruba Group lo celebra su di 45 aniversario. Den cuadra di esaki ya Antraco a cuminsa celebra cu su clientenan cu varios promocion ariba diferente articulo. For di cuminsamento di aña caba Antraco a duna training na tur miembro pa yuda cada un pa crece. Tabata tin hopi dealnan special pa tur clientenan frecuente di “First”. Tambe tabata tin Super Special ariba printernan di Canon. Den nos tiendanan nos tabata tin hopi eventonan, entre otro workshop pa hende grandi y mucha, lesnan gratis di computer, demostracion di hopi productonan y hopi mas. Esaki lo sigi tur weekend te cu fin di aña. Cuminsando for di juli, Antraco lo lansa un campaña cu lo dura te cu september. Pa cada compra di Afl. 45,= cash, bo ta ricibi un ticket pa bo participa den un sorteo semanal di un Gift Certificate di Afl. 45,=. Esaki ta valido den tur tres tienda di Antraco. Y na final e gran premio di Afl. 450,= na Gift Certificate. Keda pendiente pasobra tin hopi ofertanan special na caminda. ELMAR A REGALA BUKI NA IMELDA HOF
Bencho ta gana un bays ta e di dos buki di e serie di Bencho di autor Olga Buckley. E muchanan a aprecia e gesto aki masha hopi. Lesamento ta primordial den desaroyo di un mucha, e ta dun’e placer y ta habri su horizonte. NV Elmar por ta orguyoso di a aporta na esaki. E autor a entrega e bukinan personalmente na señora Namia Orman, guia pedagogico di e instituto. Señora Orman a gradici NV Elmar na nomber di tur mucha di Kinderhuis Imeldahof.
|
|
|
||||||||
|
|
||||||||||||
|
||||||||||||
