Investigacion: Rudy Croes 3

E actonan di Rudy Croes durante e añanan cu a pasa tabata asina vil cu hasta awo cu DIARIO ta ripitiendo publicacion di nan nos ta sinti un berguenza profundo cu un ministro Arubano a yega te na un nivel asina baho. Pesey mes DIARIO ta keda contribui na duna e datonan cu ta necesario pa e investigacion di gobierno Hulandes cu ta bay tuma luga.

BLACKOUT COMPLETO

hasta WEB tabata den scuridad..

ORANJESTAD(AAN)-- Ayera anochi mas o menos 10pa 9 diripiente coriente a bay rond Aruba Y hasta web a keda den blackout completo, algo cu Aruba no a experiencia for di aña 2002.Aruba a wordo sorprendi cu e blackout aki y segun Sr. Jossy Lacle di WEB ayera anochi, e sistema di coriente interno di alto voltahe a cay afo.na e momentonan ey, un cuarto pasa di diez un anochi, no tabata conoci causa di e blackout aki.

AVP TA MIRA URGENCIA DEN SOSTENE CUERPO POLICIAL

ORANJESTAD(AAN)-- Criminalidad na Aruba a yega proporcionan nunca bisto. Aruba ta para na un cruzada caminda cu e escogencianan cu e tuma for di awor y padilanti lo ta determinante pa su futuro. Si keda e mesun direccion, nos pueblo dificilmente lo por saca su mes for di e abismo cu actualmente e ta drentando si cos keda manera e ta na e momentonan aki.

SITUACION NA CUERPO DI DOUANE TA EMPEORANDO

Trahadornan ta hopi demotiva cu actitud di nan hefenan! 

ORANJESTAD (AAN):  Ayera Cuerpo di Aduana tabata tin despedida di dos colega cu ta baha cu nan pension mereci despues di a cumpli 39 aña den servicio. Mirando cu ultimamente na Cuerpo di Douane door di staff no ta duna reconocimento na e coleganan cu ta bay cu pension, coleganan mes a dicidi di organiza un evento riba nan propio forza.  Esaki a tuma lugar den Club Douane na Dakota.

  Sharina Hernandez a bisa den entrevista cu DIARIO  el a bisa cu e dos coleganan aki lo bay disfruta di nan vakantie prome pa despues cera cu e pension. Banda di esaki a señala cu e esfera den Douane den e ultimo temponan no ta manera antes, recientemente caba por a ripara ora cu a otorga diferente insignia pa diferente rango cu e partimento di eseynan a bay via chef locual nunca sa sosode. Tambe ta haya cu presencia di superiornan no tey y esey a conduci cu tin hopi colega frustra, rabia.

CASONAN CONFIRMA DI SWINE FLU A SUBI NA DIESTRES! 

ORANJESTAD (AAN) – Ayera mainta, Departamento di Salubridad Publico a tene un conferencia di prensa pa duna informacion nobo tocante e situacion di e virus “Influencia AH1N1”.’Director di Salubridad Publico dr. Trever van Gellecum a hiba palabra. El a bisa cu diahuebs, despues cu nan a tene un conferencia di prensa un ora despues nan a haya confirmacion di mas caso. Esey kiermen cu na Aruba tin seis caso nobo y cu den total tin 13 caso confirma.

Dr. van Gellecum a duna di conoce cu un di e seis casonan aki ta relaciona cu e siete casonan prome y e otronan cinco mester worde investiga ainda cu cual contact nan ta relaciona y por ta cu nan no ta relaciona cu e siete casonan confirma prome.Podise cu ta un brote nobo cu a drenta Aruba y esey ta nifica cu mas y mas un y tur mester zorg pa cumpli cu e protocol di higiene, cu ta zona hopi simple y asina simple nos mester hacie y no busca manera pa hacie dificil.

CASO DI MENAZA RIBA FAMIA DI ABOGADO DIFUNTO 

ORANJESTAD (AAN): Diabierna na corte a tuma lugar un caso den cual Dennis H.O y Juan Carlos C.T a worde acusa di a menaza famia di un difunto abogado, pa purba haya 250.000 dollar for di nan.Esaki a sosode entre 27 di Februari y 11 di Maart 2009.

Ta asina cu Juan Carlos tabata  yama casa di e difunto pidiendo pa e placa.El a bisa e señora tambe cu si e no cumpli sanger lo core.Juan Carlos a laga mensahenan menazante tambe riba answering machine di e cas.Tambe ta asina cu el a yama e tienda di cual e señora ta propietario y un carta a worde tira den brievenbus tambe cu menaza.Huez a cuminza na bisa cu e kier determina e rol di e dos acusadonan pasobra nan a admiti, pero te cierto grado.