TICKET PA THE CINEMAS AWOR OBTENIBEL NA MACHINENAN DI CELLTAR ROND ARUBA.

ORANJESTAD (AAN): Entrante luna di April bo por cumpra bo ticket pa bay mira pelicula na The Cinemas sea na Paseo Herencia of na Renaissance Mall awor na tur vending-machine di Celltar cu ta instala den diferente establecimento tur rond di nos isla.

   Manera trafico a bira mas congestiona y bo ta tarda mas pa yega tur caminda, tecnologia ta duna un man na haci bida di tur hende mas facil.

   Celltar ta conoci pa benta automatisa di carchinan di telefoon prepaga pero awor ta introduci tambe e sistema nobo aki di cumpra bo carchi pa The Cinemas mas cerca unda cu bo bo por ta.

   Celltar tin mashinnan instala na : Valero Essoville, Valero Blvd, Valero Santa Cruz, Valero Palmbeach, Setar Palm Beach, Setar Airport, Hospital Deli, Bright Bakery Noord , Hong Kong Supercenter, El Fogon,  Prikichi Food Center, Johnson  Supermarket na San Nicolas, Fusion Deli, 24 store den Havenstraat , RITZ,  Welcome Snack , Bus Stop Oranjestad y den diferente hotelnan di nos isla tambe.

   Den hotelnan trahadornan por haci uso di e mashinnan pa compra di nan carchi di telefoon rapido pero tambe awor pa nan ticket pa bay mira nan pelicula preferi. Cu e servicio nobo aki no tin  mester di core duro y pura pa yega na tempo promer cu carchi caba of para den rij. Bo por djis pasa nan un di e establecimentonan menciona y cumpra bo ticket, core bo auto trankil y cana pasa drenta paden pa mira bo pelicula.

Back