INTERNATIONAL II  

Padilla condena cu 208 luna di prison pa apoya Al Qaeda

Un huez federal di Miami a condena ayera na 17 aña di prison e mericano Jose Padilla, un ex miembro di gang di Chicago acusa di ta miembro di un grupo na Merca cu ta duna apoyo den extranhero na Al Qaeda y otro gruponan terorista.

E co-acusado Adham Amin Hassoun y Kifah Wael Jayyousi tambe a wordo condena, e prome cu 188 luna di prison, y e di dos cu 152 luna.

Cu e condena di Padilla, e gobierno di George W. Bush tabata espera di por demostra e resultadonan di e lucha contra terorismo den Merca.

Gobierno tabata kier pa Padilla di 37 aña, kende tin un amplio record criminal-- como e co-acusado Hassoun di 45 aña, di origen palestino y Jayyousi, un jordano di 46 aña, mester a pasa e resto di su bida den prison.

E acusacion principal contra Padilla tabata un supuesto formulario cu el a firma na 2000 pa participa den un entrenamento terorista di Al Qaeda den un campo na Afganistan.

Back