INTERNATIONAL I              

Na Francia, un "laboratorio bunker" ta trata e virus mas peligroso di mundo

Rond di trinta cientifico rond mundo ta traha desde aña 2000 cu e virus nan mas peligroso di e planeta den un laboratorio concebi como un berdadero bunker den e curazon di e ciudad di Lyon (centro-este di Francia).

Funda na 1999, e laboratorio di maximo seguridad "P4 Inserm/Jean Mérieux", construi cu un forma di haraña den bario di Gerland, ta alberga agentenan patogeno di clase 4, e nivel mas alto riba escala di peligroso den virus.

Su creador, Charles Mérieux, tabata kier pa esaki bira "e Mecca di Ciencia" y como misionnan principal e kier a "haya resultadonan fundamental di alto nivel y asegura un mision di salud publico pa ta cla pa funciona cu vacunanan den caso di epidemia", segun Herve Raoul, e director di e laboratorio.

Den e laboratorio tin varios cientifico extranhero, particularmente di Japon, China y Nepal.

E laboratorio ta un instrumento ultraseguriza pa e estudio di virus responsable di e desasternan na Africa y Asia: Lassa, Ebola, Nipa, Hendra, Marburg.

Blinda, solamente accesible pa algun persona, cuidadosamente selecciona: "Cualkier persona cu drenta sin acuerdo di e director di e laboratorio lo por haya seis luna di prison y 7.500 euros di multa", segun e letrero den entrada.

Tur residuo ta wordo trata na un temperatura di 128° y "nada, cu excepcion di e cientificonan, ta sali bibo for di e laboratorio", segun su director.

Back