Gert Jan knijnenburg di Continental Scott Racingteam di Hulanda tambe lo core den Codemsa MTB Classis organisa pa Xtreme Riders

ORANJESTAD (AAN) --- Aruba su nivel den ciclismo ta subiendo y ora coredornan cu ta den e topnan di Hulanda core den competencianan local bo por midi tambe con nos propio coredornan local ta presta. Gert jan knijnenburg ta core semi-pro pa Continental Scott Racingteam y awor ta di tres biaha caba cu e ta core na Aruba.

Den tur e ultimo dos biahanan por a mira con su nivel tabata y su performance riba su bisicleta cu ta enorme. Ya e tin un siman na Aruba y  por a mira viarios biaha caba ta coriendo riba nos isla asina custumbrando cu e temperatura di Aruba cu ta hopi diferente na locual e ta custumbra di dje na Hulanda.

Gert jan knijnenburg mes ta core hopi den exterior representando su team y tambe Hulanda. Aña pasa el a logra e titulo di number uno den e vierdaagse y e aña aki tambe cu esey tabata den luna di Januari pero awor nos propio coredornan tambe ta bon den training pa asina por duna mihor bataya den e categoria Competitivo cu ta e categoria di mas halto den e ranking pa e careda di Codemsa MTB Classic cu lo ta diadomingo awor cuminsando pa 7:30 di mainta.

E main start di e careda lo ta na Bushiribana, esey ta riba e caminda pa Natural Bridge. Diadomingo awor lo mira Gert jan knijnenburg den accion y un y tur ta wordo invita pa bin mira e careda y tambe apoya nos propio coredronan local cu tambe sigur lo duna un tremendo bataya y ban mira ta cual di nan tur lo cay den e promenan.

E premionan pa e categoria Competitive lo ta tremendo y ta pidi mas coredronan pa bin midi forsa den e categoria aki cu sigur lo ta un experencia unico.

Diadomingo tambe lo bai e biketour cu lo start pa 8or di mainta y ta pidi tur persona cu kier core den e tour aki pa jega na ora. Inscripcion lo ta Diasabra awor na Codemsa di 11am te cu 2pm y e prome 120 cu inscribi lo haña un Mountainbike T-Shirt masha bunita mes. Na tur partisipante nos ta desea tur clase di exito

Back