Trappers Warriors Billard Team a gana Tumazu den un wega hopi preta

ORANJESTAD (AAN) ---Dialuna anochi a continua e “Tumazu Black Ball Commercial Billiard Tournament” entre Trappers Warriors B. T. y Tumazu B.T.,  den Tumazu Bar Disco Club & Pool Room na Sividivi, O’stad.

E wega aki a ser gana pa e equipo di Trappers Warriors B.T. cu score di 5-4.

Referee principal di e wega aki tabata sr. Lucas Tromp y time keeper tabata sr. Omar Lampe.

E anoche aki Tumazu Bar Disco Club & Pool Room tabata completamente yen di fanatico nan di ambos equipo. Di Santa Cruz a baha un gang basta grande di hungador y fanatico cu a bin duna nan equipo di Trappers e sostén, ya cu e equipo di Tumazu cu tabata Home Team, a bin cu su masa di hungador y fanatico cu a apoya nan equipo te na ultimo. Pero asina mes nan ta bin perde a wega aki. E prome wega a bai entre Henri Croes y Maikel Maduro. Maikel di Tumazu B.T. a gana e wega cu score di 2-0. Di dos wega a bai entre Carlton Geerman y Frido Trimon. Frido di Tumazu a gana e wega cu score di 2-1. Di tres wega a bai entre Roland Geerman y Aldwin Leyba, Roland a gana e wega cu score di 2-0 riba Aldwin di Tumazu y ta haci e wega 2-1 pa Tumazu.

E di cuatro wega a bai entre Sandro v/d Linde contra di Igmar Briezen. Igmar a gana e wega y ta hacie 3-1 pa Tumazu.

Di cinco wega e anochi ey a bai entre Elvis Evertz y Francis Petrochi, kende a gana e wega cu store di 2-1. E wega a bira 4-1 na fabor di Tumazu B.T.

Despues cu Trappers Warriors B.T. a ripara cu nan ta den un racha di perde, nan a dicidi di haci un jamada di urgencia na un di e mihor hungador nan, esta Richard Wolff  kende a bin gana e wega cu score di 2-0 riba Arthur Tromp. E otro wega Robert Croes di Trappers Warriors B.T. a gana e wega cu store di 2-0 riba Patrick Henriquez y ta haci e wega 4-3 na fabor di Tumazu B.T.

E di ocho wega e equipo di Trappers Warriors B.T. a manda Carlos Croes, kende a bin gana e wega cu store di 2-1 riba e hoben Alberto Saladin di Tumazu B.T.

Asina e wega a bira 4-4 y pa colmo e tempo a yega na limite di tempo di duracion di tres ora, ambos team a keda empata. E wega a bai final “suden Dead Game” dus un solo wega of rack (según reglamento Art. 7) pa e desempate!

Trappers Warriors B.T. a gana e wega e ta bira e ganador di e wega completo y a bai cas cu e victoria riba e mucha nan di cas.

Diamars e wega nan a continua entre Pool Plaza B.T. contra di Cool Casino Billiard Team, na cede di Trappers Club.

E wega a termina cu score di 5-1 na fabor di Pool Plaza B.T., kende nan a bin brabo e dia aki.

E prome wega Robby Natu di Pool Plaza B.T. a enfrenta Edwin Falcón di Cool Casino B.T., y ta gana e wega cu score di 2-0. Di dos wega a bai entre Ralph Andrews di Pool Plaza B.T. contra di Ramsly Tromp di Cool Casino B.T., kende a gana e wega cu score di 2-0.

E di tres wega a bai entre Gibbi Dabian di Pool Plaza B.T. contra di Ricardo Perreira di Cool Casino B.T., Gibbi a gana e wega cu score di 2-0 y ta haci e wega 2-1 na fabor di Pool Plaza B.T.

Di cuatro wega a bai entre Andi Kock di Pool Plaza B.T. y Roland Kelly di Cool Casino B.T., Andi a gana e wega aki cu score di 2-0 pa haci e wega 3-1 pa Pool Plaza B.T.

E di cinco wega a bai entre Ramon Jose di Pool Plaza B.T. y Freddy Tromp di Cool Casino B.T., cual wega a termina cu score di 2-0 na fabor di Ramon Jose. E di seis y ultimo wega a bai entre Ceasar Krozendijk di Pool Plaza B.T. y Eric Henriquez di Cool Casino, y e wega a termina cu score di 2-0 na fabor di Ceasar Krozendijk di Pool Plaza B.T.

Diaranzon e wega nan a continua entre Bad Dogs B.T. y Garage Central B.T. na cede di Classic Billiard Poolroom, na San Nicolaas.

E anochi aki e equipo di Garage Central B.T. a gana e wega cu score di 4-3.

E prome wega Robert Figaroa a enfrenta Herbert Burne, Herbert a gana e wega cu score di 2-1 pa Garage Central B.T.

Di dos wega a bai entre Johnny Tromp y Adolfo Gonzalez, Johnny a gana e wega cu score di 2-0 pa Bad Dogs B.T. y ta haci e wega 1-1.

Di tres wega a bai entre Carlos Gomez y Erwin Chirino, y a termina cu score di 2-0 pa Erwin di Garage Central B.T. y ta haci e wega 2-1 pa Garage Central B.T.

Di cuatro wega a bai entre Albert Geerman di Bad Dogs B.T. contra di Wilfred Tromp di Garage Central B.T.

E wega a termina cu score di 2-0 na fabor di Wilfred di Garage Central B.T. y ta haci e wega 3-1.

Di cinco wega a bai entre Giovanni Faro y Alberto De’Lisle y Giovanni di Bad Dogs a gana e wega cu score di 2-1 y ta haci e wega 3-2 pa Garage Central B.T.

E di seis wega pa e anochi ey a bai entre Errel Tromp di Bad Dogs contra di Urbino (Duffi) Ras di Garage Central B.T., cual wega a termina cu score di 2-0 pa Duffi.

E ultimo wega a bai entre Andy Geerman contra di Ronald Geluk, cual wega Andy a gana cu score di 2-0 y ta hacie den wega grandi bira 4-3 na fabor di Garage Central B.T. cu a bai cas cu e victoria.

E proximo wega nan di Tumazu Black Ball Comercial Billiard Tournament 2008 lo ta dialuna, 7 di April 2008 na Cue Ball Poolroom, na O’Stad.

E anochi aki lo topa otro e equipo di Classic B.T. contra di Pos Chikito Boys B.T.

Diamars, 8 di April 2008, na Smooth Poolroom na Bushiri, Baracuda lo bin pa  e equipo di Smooth B.T., kende nan ta Home Team y lo bin cu un gran fanaticada.

E proximo wega lo ta diaranzon, 9 di April 2008 na Lidia’s Kitchen & Poolroom, na Savaneta. E wega lo bai ta entre Cool Casino B.T. y Tumazu B.T..

Ya bosa, tur e cos nan aki ta den bo matutino prefero y number uno, esta DIARIO so bo por wak e resultado nan aki y tambe wak e tremendo foto nan  di e gran torneo aki. DIARIO Deportivo kier a felicita tur e equipo nan cu a gana te cu awor aki den e tremendo torneo cu Tumazu B.T. ta organiza, cual ta e “Tumazu Black Ball Commercial Billiard Tournament 2008”.

Riba e foto nan por mira mas di e gran torneo aki y tambe a mapa cu a ser traha pa e publico cu kier sigui cu wega nan di serca, por mira esaki atraves di un mapa di Aruba cu tur e cede y schedule nan di wega nan riba dje. 

Back