Gobierno kier kibra Pensioenregeling y kier introduci Franchise

“KIBRA BO DERECHO DEN PENSIOEN” 

ORANJESTAD (AAN): Esaki ta e futuro di Bo y di Bo famia. Si algo pasabo, bo casa, bo yiunan chikito lo por tin algo pa cubri nan. Ora bo bay cu pension, abo mes ta keda cu un entrada.

Awor gobierno kier kibra den esaki y introduci un franchise. Den pasado sindicatonan a bisa caba cu Derecho ta Derecho !   Acaso abo trahador a analiza caba kico esaki ta nifica pa bo ?

   KITA DUURTETOESLAG: Pensionadonan ya caba ta den luchando fuerte, pa motibo cu nan pensioen a bay atrás enormemente door di e.o. AZV. Pensionadonan ta paga e prima completo ¡

Y pronto discusionnan  mester cuminsa riba e prima di AZV, na unda mas medida lo tin riba e clase trahador. Esaki lo hiba pensionadonan mas atrás.

Pero acaso e trahador  ta kere cu esaki lo afecta solamente e pensionadonan ? Esaki aworaki , pero den futuro  ABO tambe !

  TRAHADOR:

   Ora Gobernantenan bisa cu Ambtenaarnan ta nos hende y nan no ta welga, akinan nan kier bisabo tambe cu abo ta dispuesto pa keda na merced di e dunador di trabao, cu abo no ta trahador cu ta para pa bo derechonan.  Pesey mes wak pa bo mes, con atrás bo a bay den bo forza di Compra y con atrás bo famia tambe a keda atrás. Saca Bo som !    Of a caso bo tambe kier keda na merced, na e kier  di e Dunador di Trabao?

Reflexiona profundamente, Kico bo kier mayan pa bo mes ? Awe bo ta duda den e lucha pa haya un tiki den bo salario. Esaki no por bay sin sacrificio…  Bo ta dispuesto pa wanta otro medida, sin lucha atrobe ?

Sindicatonan den Accion por para pa Boso Derechonan, Awe di Indexering, Mayan por ta AZV of otro Medida, pero unda nos ta keda para Si abo mes no tey?

                                                                                                                     Back