CHOFER DI TOYOTA TERCEL TA DAL HOPI DURO TRAS DI UN SUZUKI JIMNY

ORANJESTAD(AAN): Un accidente cu hopi daño material ta loke a sosode riba e caminda direccion Malmok net prome cu yega Marriott Aruba Resort.

   Un Tercel color shinishi parce no a controla su velocidad y ta dal hopi duro tras di un Suzuki Jimny color blanco.

   E Suzuki A-22838 maneha pa un dama hulandes ta e auto cu a haya un klap fuerte su tras door di e Tercel A-29491. E prome información tabata papia di un accidente hopi serio pero na yegada di polis solamente ambos chofer tabata sinti un poco dolor. Ambulance a yega mesora na e lugar y a yuda ambos persona levemente herida.

   E chofer di e Tercel mester a bay drumi riba cama mientras cu e dama hulandes por a subi ambulance riba su mesun forza. Polis a haci investigacion den e caso aki.

Back