Perdi pa menos di 24 ora...

ROSALINDA DANJE HAYA MORTO NA WAF CHIKITO

ORANJESTAD (AAN): Despues di un buskeda cu a cuminsa dialuna anochi cu yudanza di famia, Cruz Cora y tambe SARFA finalmente a logra haya e persona perdi sin bida canto di awa na altura di Waf chikito.

   Kico a pasa exactamente no ta mucho cla aunke famia a laga sa cu tabata perdi tin forma pa yuda su curpa den awa. Un persona cu sa move den e area aki buscando calco a bati alarma ora cu el a mira e persona morto. E tas ainda tabata na braza di Rosalinda Danje di 38 aņa.

   Ambulance a worde yama pero nan no mester a bay den accion. Dokter Angela a presenta y personal di Cruz Cora a yama e famia cu ainda tabata buscando na e costa zuid banda di Barcadera.

Recherche cu a presenta a haci investigacion y no a haya cu tabata necesario pa tuma e curpa den beslag pasobra no tabata tin muestranan di crimen.

E famia por a sigui cu nan tramitenan mesora pa dera nan ser keri. Paz na su restonan y hopi forza na e famia.  

Back