El a worde capta riba video!

POLIS BUSCANDO LADRON DI SACO DI SUCU

ORANJESTAD (AAN): Polis ta buscando e ladron aki!  El a worde capta Dialuna anochi ta hortando un saco di sucu di un supermercado.

   E ladron aki, bisti cu un Shirt di e cantante “50 Cent”, a drenta e negoshi cu su cara parecido na Hesus.  Esaki a socede banda di 8:20 p.m.

   El a cana rond, haci cosnan raro, y despues a bay parti patras, unda el a rek man, y gara un paki di sucu, cu costa 1,95 Florin.

   Despues di esey el a cana bek den e rij, bay mas patras, y no obstante cu tabatin dos mucha den su cercania, den menos di 2 seconde el a rek y hinca e saco di sucu aki pone den su carson.

   Di e forma aki el a cana trankil, sali pafor sin cumpra nada, y desaparece.   Polis a worde suministra cu e video aki unda ta mira e cara claramente.  Tambe Polis a wak e number di auto cu cual e ladron a bandona Double Happy Supermarket den Dr. Schaepmanstraat na San Nicolas.

   Abo conoce e homber aki?  Informa Polis na San Nicolas pa asina nan por actua.  Pasobra e tipo di perdida aki pa comerciantenan na Aruba, lo pone cu prijs di comestible ta sigui subi.

Back