Cambio den prijs di productonan petrolero

DIESEL TA SUBI AWE CASI 21 CENT 

ORANJESTAD (AAN): E ta worde considera como e producto petrolero “mas facil” pa refina, esta Diesel.  Pesey Diesel ta asina barata!Pero na Aruba, ta net lo contrario ta pasando!

   Entrante 9 di april 2008 e prijsnan di benta di productonan petrolero lo cambia. Esaki ta conta pa gasolin, gasoil y kerosin.

  Minister di Finanzas y Asunto Economico ta informa cu a surgi un cambio den prijs di productonan petrolero entrante 9 di april 2008. E prijs di benta pa comercio por menor ta como lo siguiente.

   Diesel (gasoil) ta subi cu 20,7 cent pa liter, y awor ta worde bendi na 221,0 cent pa liter.

   Gasolin Unleaded ta subi cu 9,4 cent pa liter, y awor ta worde bendi na 227,1 cent pa liter.

   Kerosin ta subi cu 20,4 cent pa liter, y ta worde bendi awor na 213,6 cent pa liter.

   E reduccion ariba tarifanan di accijns pa absorba e aumento di prijs over di e periodo di mei 2007 ta keda manteni.