Polis y Voogdijraad cu caso serio na Madiki Kavel!

MUHER A MENAZA DI MATA SU PROPIO YIUNAN

ORANJESTAD (AAN): Anochi central di polis a dirigi patruya di Oranjestad na Madiki Kavel, pasobra ey a surgi problema pa cual ta pidi presencia di polisnan.

    Tabata pa e polisnan di actua mesora ora cu nan a yega na e adres. Esaki ta debi cu polis a constata un hende muher (despues identifica como e muher di inicialnan M.R. di 27 aña) cu un cuchio teni den su man ta zundra su mama.  Mesora agentenan a desarma e muher.

   E  mama di inicialnan PR di 51 aña a splica polis di e situacion. Segun version di P.R., cu su yiu muher tin problema cu droga y e tin yiu. Debi na drogadiccion a envolvi Voogdijraad den e asunto.

   Awor diripiente M.R. a yega cas pa bin busca su yiunan, y a expresa si e haya su yiunan e lo mata nan!

   E palabranan aki ta serio pa cual a pidi tambe presencia di polis.

   Agentenan a papia cu señora MR. el a nenga di a expresa e locual a worde bisa.

M.R. tabata asina rabia y e no kier tende pa cual polis kier a detene.

   Manera cu e polis a acerca M.R., e muher a tira un sla, polis a pase un wanta. Na dado momento MR. a probecha di ranca sali bay na careda for di e lugar hasta muraya el a bula y bay laga e polisnan.

   Encuanto a pasa, Polis a recomenda e señora P.R. pa tuma contacto cu Voogdijraad y percura pa otro biaha e tin un documento pa demostra cu e muchanan ta bao di su encargo.

   Sino si MR kier bay cu e yiunan ningun hende no por strobe. Y finalmente si M.R. regresa pa nan yama polis mesora.

Back