Ady Thijsen ta totalmente bou influencia di su MB’nan

AWO ADI THIJSEN TA CONTRA ATAKA SINDICATONAN 

Nel y Rudy tin proyectiel “Adi” bao control! 

ORANJESTAD(AAN): Ora un sindicalista sali for di un sindicato pa sigui otro rumbo, manera entre otro politica, semper e sindicalismo ta keda den su sanger. Pero Adi Thjisen ta un otro storia ariba su mes.

Ex-coleganan sindicalista di Adi Thijsen ta cuestiona si ta e sindicalismo a desaparece for di sanger di Adi Thijsen of nunca e tabata un sindicalista honesto y di curazon.

   Awor e exponente mas fel y anti-sindicalista den fraccion di MEP, ta e propio Adi Thijsen. Awe e ta lastra sindicalistanan y di otro banda ta defende Nel Oduber, Booshi Wever y Marisol Lopez-Tromp cu alma y cuerpo. Hopi den sindicalismo ta tuma esaki hopi na malo, pasobra e ministernan aki di MEP a lastra nomber di dirigentenan y miembronan di sindicatonan na vloer.

   En bes di (por lo menos) Adi Thijsen sali afo como un “Agente di Union” of un “Catalisador pa Solucion”, e lider di fraccion di MEP y ex-sindicalista, awor ta traiciona e mesun parti di pueblo cu a pone caminda e ta awe.

Adi Thijsen ta lubida cu un bon parti di su sostenedornan ta sindicalista y ex-coleganan sindicalista. September 2009 no ta mucho leu (y eleccion por ta mas liher cu esey) y Adi Thijsen mester pensa cu e no ta traha pa gobierno, si no pa pueblo.

   Pero e ultimo MB’nan cu gobierno a regala bufete di Abogado  Thijsen tin su wowonan tapa pa e sufrimento di pueblo.

Placa for di gobierno tin Adi Thijsen den gara di Nel Oduber! Awor nos sa ta kico a saca e ultimo druppelnan di sindicalismo for di sanger di e ex-sindicalista Adi Thijsen!

Back