|
|
|
|||||||||||
|
INDEXERING PER DIRECT PA FAMILY & FRIENDS TA POSIBLE! Pero pa trahadornan e reglanan ta otro! ORANJESTAD (AAN): Hopi trahador publico ta pasando den duro. No ta solo y cansancio di para henter dia so ta haci e manifestacionan aki mas duro di loke nan ta mustra. Banda di cansancio, Gobierno di Nel Oduber ta kita e dianan cu trahadornan manifesta for di nan salario. Esaki ta un tactica di presion! Ayera DIARIO a combersa cu algun manifestante cu a vocifera nan frustracion pa e situacion dificil cu nan ta pasando aden. Nan ta lamenta cu pa otronan, cu por worde cataloga bou e nomber di “Family & Friends”, si tin placa. Aki por corda ariba Omo di Minister Swaen, cu ora e manda cobra gobierno, Minister Swaen ta skirbi ariba su recibo: “Gaarne per direct betalen”. Pa e indexering di algun porciento, trahadornan publico tin di suplica, roga y limosnia na pia di Minister Swaen y Nel Oduber. Pa nan e palabranan “per direct” no kier sali pa caba for di boca di e minister di Finanzas aki. Ta parce cu Minister di Finanzas Nilo Swaen ta papia un cantidad di cos bruha na Tele Aruba dia den dia afo pa e por hustifica no paga trahadornan publico. Practicamente e ta splica tur dia cu pueblo ta bruha, pasobra tur hende ariba e pida baranca aki ta cobra suficiente. E idea cu costo di bida ta mucho halto, ta un impresion eroneo di pueblo en general. BBO, segun e minister, practicamente no tabata tin efecto ariba costo di bida. Ki ironia. BBO si a coba den saco di pueblo, “per direct”. Esey ta e unico “per direct” cu nos por spera for di e gobierno aki. |
|||||||||||
|
|
||||||||||||
|
||||||||||||
