CASONAN PENAL NA CORTE DIAHUEBS 

ORANJESTAD(AAN): Diahuebs manera tur siman ta bay tuma lugar diferente caso penal na corte di husticia.E prome caso ta e caso den cual R.M.R. ta wordo acusa di ladronicia di bentana y balki di un persona den e periodo di 31 di Januari 2009 te 4 di Maart 2009.

Despues ta bay tuma lugar un caso den cual A.D.B. ta wordo acusa di ladronicia di un credit card y/of otro pertenencianan di un persona riba 13 di Mei 2008.

 Tambe e ta wordo acusa di ladronicia di un suma di placa di e persona aki riba 13 di Mei 2008.

Ademas di esaki e ta wordo ademas acusa di intento di ladronicia di un suma di placa di e mes persona riba e fecha ya menciona.

Mas leu, B. ta wordo acusa di ladronicia di un suma di placa di un persona den e periodo di 21 te 22 di Maart 2007

E.E.M. tambe mester presenta dilanti di huez Diahuebs, debi na e hecho cu e ta wordo acusa di a maltrata un persona cu un arma riba 12 di April 2008 y di a comete destruccionnan riba e mes fecha ey.

Despues ta bay tuma lugar e caso den cual R.K ta . ta wordo acusa di a intencionalmente destrui bloki di motor di auto di un persona riba 18 di Juli 2008

E.E.J.A. mester presenta dilanti di mesa berde Diahuebs tambe, despues cu el a wordo acusa di, conhuntamente cu un otro of otronan, ladronicia di joyas y/of demas pertenencianan for di cas di un persona riba 20 di Maart 2009.

Ultimo caso Diahuebs ta e caso den cual J.R.R  ta wordo acusa di exportacion di cocaina riba 10 di April 2009.

Back