FAMOSO ANTONETTE ODUBER A HAYA SU PROME DEROTA 

ORANJESTAD(AAN): Nunca el a forma parti di un, ni di e otro comision di mayor di schoolnan na Aruba.

   Awe su meta principal ta pa bin kibra e lucha di e docentenan cu ta buscando un indexering.

   Cu su cara di palo el a yega na corte cu e pensamento cu Huez lo cay den su trampa, pero ta parce cu Huez mes a mira cu ta un marioneta di MEP tin sinta den sala di Corte. Pesey mes huez a bari henter su caso for di mesa.

   Docentenan di School di distrito di Paradera a splica DIARIO, cu nan no por a kere cu nan mesun wowo loke cu nan tabata mirando ora cu net mama di un di e alumnonan, kende ta e mucha cu mas a keda sin bin school den un aña escolar (56 dia en total), awor diripiente ta bin bringa contra lucha di empleadonan publico y miembronan di SIMAR.

   Tin mayor kendenan ta activo ta den dos diferente Oudercommissie di Schoolnan na Paradera, y ta insisti cu net Antonette Oduber no ta den ningun di nan.

   Awor te hasta e tin miedo di usa su e fam Oduber, pero nan a desenmascara su plan den corte.

   Como cu e tin asina un interes pa sigui cu e lucha pa e alumnonan, Antonette por bay cerca su gobierno cu a dune instruccion y bise pa corda drecha e cura di school na Paradera y vecindario.

   Corda tambe busca material pa school pa asina su yiunan por haya les. Ora cu Antonette haya un chens e por pasa tambe laga e 300 supuesto firma cu e lo tin di e mayornan cu a firma pro su fundacion luchando contra empleadonan publico, pensionadonan y docentenan principalmente.

Back