NOTICIA INTERNACIONAL IV

Terapia celular prometedor pa malesa di Parkinson

E terapia celular -cu stem cel obteni for di celnan di cuero  a reduci considerablemente e sintomanan di e malesa di Parkinson den raton, segun un estudio publica na Merca.

Investigadornan di e Instituto di investigacion biomedico Whitehead na Cambridge, Massachusetts, a uza un tecnica reciente pa reconstrui stem cel for di celnan di cuero y despues trata e ratonnan cu tabata sufri di e malesa neurologico degenerativo.

Despues cu e ratonnan a wordo evalua varios siman despues di e transplante, e sintomanan di e malesa di Parkinson a reduci di forma considerable, confirmando cu stem cel denomina "reprograma", substituto di stem cel di embrion, lo por reemplaza neurona perdi of daña.

"Esaki ta e prome demostracion cu e celnan reprograma por integra su mes den e sistema cerebral of tin un efecto positivo riba un malesa neuro-degenerativo", segun Marius Wernig, principal autor di e estudio divulga den e Acta di e Academia Nacional di Ciencia.

E terapia ta wordo presenta como prometedor pa e malesanan neurodegenerative manera Parkinson of Alzheimer, ya cu stem celnan tin e capacidad di cambia un gran parti di e ciento di celnan diferente di cuerpo, reemplazando e celnan morto of daña door di e malesa.

Back