NOTICIA INTERNACIONAL I

Petraeus a pidi pa un paro di retirada mericano for di Iraq

  E general mericano David Petraeus a recomenda ayera na Washington pa pone un paro durante 45 dia, cuminsando na Juli, di un retirada di e tropanan mericano for di Iraq.

Casi 39.000 vehiculo no a core na Honduras pa spar Petroleo

Un total di 38.984 vehiculo a keda sin subi caya den weekend y dialuna na Honduras pa cumpli cu e decision di gobierno di restringi un dia den siman pa auto, cu fin di baha e gasto petrolero, segun fuentenan oficial.

NOTICIA INTERNACIONAL II

Ahmadinejad ta acusa Merca di usa 11 di September como pretexto

E presidente irani Mahmud Ahmadinejad a acusa ayera Merca di usa e atentadonan di 11 di September di 2001 como un "pretexto" pa ataca Afganistan y Iraq.

Al Qaeda ta alega cu Viena ta responsable di e suerte di e rehennan austriaco

E braza di Al Qaeda na Magreb a afirma cu Viena ta responsable di e suerte di su dos rehen austriaco, y a exigi e liberacion di un pareha islamista encarcela na Austria y e retirada militar di e pais aki for di Afganistan, den un comunicado publica dialuna.

NOTICIA INTERNACIONAL III

Candidato comunista pa eleccionnan di Nepal a wordo asesina

E candidato di un partido di izquierda na e eleccionnan di 10 di April na Nepal a wordo asesina cu tiro pa hombernan no identifica, segun polis.

Controversia riba posible compra di avion y speedboat brasilero na Guatemala

Gruponan pro derecho humano di Guatemala a critica ayera e intencion di gobierno di adkiri seis avion y 10 speedboat brasilero pa combati narcotrafico y crimen organiza pa motibo, evidencia di un remilitarizacion di e pais.

Terapia celular prometedor pa malesa di Parkinson

E terapia celular -cu stem cel obteni for di celnan di cuero  a reduci considerablemente e sintomanan di e malesa di Parkinson den raton, segun un estudio publica na Merca.