|
|
|
|||||||||||
|
Deporte
III
Campeonato Fedeveta 50 plus a completa su
penultimo rond
ORANJESTAD (AAN)--- Diasabra ultimo Fedeveta Balashi 50+ a completa su
penultimo rondo di e campeonato y falta un weekend mas pa despues e play
offs inicia, esei ta nifica tambe cu e campeonatonan di 35 y 40 plus ta
cla pa start sali, e fecha exacto lo ta 16 y 17 di Mei benidero.
Dialuna, 14 di April, e prome reunion obligatorio pa e campeonatonan
di 35 y 40+ lo tuma lugar na Sha Sha na Noord. Nos ta pidi pa un
representante di e team cu kier participa den un di e campeonatonan aki
pa ta presente y tambe pa trece di biaha e lista di e hungadornan di nan
team di 35 y tambe 40 plus, pues e lista di hungador mester wordo
entrega e prome dia di reunion. E mesun dia tambe lot lo wordo saca pa
play offs di 50 plus.
Awor ta sigui e resultado di e weganan di e weekend cu a
pasa. Roma ta mantene su invicto ora Niles Oduber ta anota e unico gol
di wega pa supera e jovenan di Barcelona.
Despues ta Inter ta subi tereno y ta score 5 biaha pa gana
Estrella. Benito
Martinus, Roy
Leyba, Freddy Rafine (2x) y Armando Geerman ta esnan cu a score. Phoenix
tambe ta logra bai cas cu un victoria superando Atletico pa asina segura
nan participacion den e play offs venidero. Alex Croes a anota e gol di
victoria.
E di cuater wega di anochi Teachers ta luchando duro pa logra un
puesto den e prome cuaternan, y teoricamente nan tin un chens chikito
ainda, pues Teachers a gana Bubali 2 pa 1, Mario Tromp y B. Peñate y pa
Bubali Vito Ridderstaat ta esnan cu a score.
E ultimo partido SCA di Paradera ta vence Nacional cu e score di 3 pa
1, Rudy Carti, Franklin Fingal y Dito Koolman a score pa SCA, mientras
Tello Sevillano a anota pa Nacional. Durante e partido aki Franklin
Fingal a ricibi cora y tin cu sinta e proximo wega. E
topscorer te na e momento aki ta Sevillano Tello Juan di Nacional cu 7
gol, sigui pa Niles Oduber di Roma cu 6 gol. |
|||||||||||
|
|
||||||||||||
|
||||||||||||
