|
|
|
|||||||||||
|
No tin placa ni pa safety shoes corda pa indexering…… CAMPAÑADORNAN DI MARISOL TA HAYA AUTO NOBO NA DOW ORANJESTAD(AAN):Dushi e gobierno aki ta sigui haci keriendo cu e pueblo aki ta ciego. Algun tempo pasa nos por as confirma cu ni placa pa safety shoes tabata tin pa e empleadonan di DOW. Parce cu ora ta toca turno na empleadonan mas chikito mesora placa a caba. Mientras cu minister Marisol Lopez Tromp ta sigui fiesta cu placa di pueblo y cu su real estate nos a tuma nota cu algun sombra di e minister tambe ta gozando di e placa cu kizas mester a bay na zapato pa trahadornan di DOW. Ora bo tende director di DOW bisa cu no tin placa pasobra nan no a aproba presupuesto manera cu nan tabata desea y mira kico ta bin su tras bo ta keda totalmente babuca. Dos auto Ford Everest nobis nobis ta loke e defensornan di minister na DOW a haya pa nan por move tur dia. Aki no ta wega pasobra cu den campaña mesun personanan aki tabata den mesun jeep di e mandatario di infrastructura estilo body guard. Awe minister mester keda inverti den nan y ta lubida riba e material pa e homber chikito trahando na DOW y ta prefera di busca auto di luho pa su campañadornan na DOW por sigui move. |
|||||||||||
|
|
||||||||||||
|
||||||||||||
