MARISOL 11:

Placa di Plant N.V. pa Friends and family!

Marisol ta duna Mito Martis contract di Afl.150.000,= !

Awe DIARIO a ricibi un otro escandalo di Marisol cu mester di atencion inmediato. Desesperacion pa e resultado di eleccion di 25 di September ta haci cu Ministernan awor, den un ansia grandi, ta viola tur ley y reglanan. Marisol Lopez Tromp awo despues di 8 aña largo cu su prioridad tabata dunamento di tereno valioso na su inversionista/sponsernan den e ultimo dianan di su gobierno kier bay tira santo den wowo di pueblo poniendo algun prome piedra aki, aya na nos schoolnan y den sector social. Pa haci esaki y mirando cu ta poco dia falta pa eleccion Marisol Lopez Tromp a dicidi di yama su ex-consehero sr. Mito Martis y dune un contract di Afl.150.000,= bao man sin cu a bay destaho publico.

E areglo cu Mito Martes ta percura pa un cantidad di otro gastonan lo worde paga pa Martis.  Mito Martes ta conoci den e mundo di “regla cos lihe” y pesey el a haya un contrato pa trata di salba Marisol y MEP cu placa di Plant NV. Su tarea ta pa den pura caba preparacionnan pa por cuminza mustra algo di actividad positivo pa e gobierno cu ta na suela.

E compania MTLM N.V. cu a ser incribi dia 4 di april 2008 cu ta pertenece na Martis ta haya e contract aki for di minister Marisol Lopez Tromp “ uit de hand” kier meen bao man sin destaho publico. Esaki ta significa cu Mito Martis ta haya den su man por lo menos Afl.30.000,= pa luna. Esakie kier meen cu Mito Martes ta bay cobra Afl. 1000,= pa dia pa haci loque e minister kier.Ta increibel cu faltando 87 dia pa eleccion e gobierno di MEP ta trata di tur manera di haya voto di nos pueblo despues di 8 aña di torutra.  

“ De opdrachtverlening zal geschieden op basis van de door de bevoegde minister goed te keuren werkomschrijving en prijsaanbieding”

Pueblo ta sufriendo bao di BBO pero aki por mira cu pa friends and family si e no ta conta “ Dat de met de dienstverrichting gemoeide kosten worden geraamd op ongeveer Afl. 150.000,00 exclusief 3,1% BBO en andere declareerbare kosten”.

            Asina ta sigui malgasta placa di Pueblo pa hinke den e saconan di e grupito di privilegiadonan di MEP, mientras Pueblo mes ta sufri cu e costonan halto cu a surgi despues di e introduccion traicionero di B.B.O.! Esaki ta un Gobierno cu no tin piedad di Pueblo y ta sigui haci cosnan for di sla, propagandando corupcion unda cu nan por. Y Marisol atrobe ta briya pa su complicidad y su falta di escrupulo!

Back