ENFOQUE SOCIAL

BABY SHOWER SORPRESA PA JANE

ORANJESTAD (AAN) – Un dia hopi largo pa hendenan di Balashi, unda cu nan tabata tin un sorpresa prepara pa Jane, cu ta na estado.

Ora el a yega nan a invite pa bay Balashi Garden y el a haya su mes cu e sorpresa di su bida, ya cu tur su coleganan tabata presente hunto cu amigonan y famia di Jane.

Riba combinacion di potret por aprecia algun imagen di e Baby Shower sorpresa aki, cu a emociona e futuro mama, masha hopi mes.

BAUTISMO DI VALISHKA FLANEGIN

ORANJESTAD (AAN) – Centro di Bario Lago Heights tabata anfitrion di un bunita fiesta pa celebra e Bautismo di e princess Valishka Flanegin.

Su mayornan Esthe y Rambo Flanegin tabata masha contento, y tabata presente tambe Madrina Erica Ras y Padrino Richard (Tattoo) Quant. E banda cu a pone e nota musical tabata Zetaland Band.

CACTUS A SACA FLOR DEN FORMA DI STREA

ORANJESTAD (AAN) – Famia Richardson, biba na Apachestraat 20, na Congo Weg, a haya un sorpresa masha bunita den cura di nan cas, unda cu un cactus a saca un flor den forma di strea, locual nan a haya fuera di lo comun.

Nan a yama DIARIO pa nos fotografo saca potret y asina comparti cu henter pueblo e hayazgo aki, cu ta manera un signo di speranza meymey di e cosnan menos bunita cu tambe tin biaha sa sosode riba nos pais.

KHALEEL KOCK A CELEBRA

 SU DI TRES CUMPLEAÑOS

ORANJESTAD (AAN) – Recientemente a celebra su di tres cumpleaños Khaleel Kock, ken a festeha na Centro di Bario Lago Heights hunto cu su mayornan Cynthia, Tata Roberto, amiguitonan y demas famia. Hopi pabien, felicidad y bendicion.

Back