Minister kier a drenta pasa riba P.D. na Macuarima…

RUDY CROES TA SIGUI KERE CU E TA PARA RIBA LEY 

ORANJESTAD (AAN): Keto bay minister Rudy Croes kizas den su trip di diabierna atardi ta purba para riba ley.

  Na momento cu e noticia tristo a drenta di un caso horendo na Macuarima e mandatario tambe a bay na e cas pasobra e lo conoce esnan biba eynan.

Algo cu no ta problema.

  For di prome instante caba fiscal a duna orden pa ningun hende drenta e cas cu excepcion di autoridad haciendo e investigacion.

  Un investigacion cu a dura te casi mainta y despues e investigacion mes a sigui tambe durante fin di siman.

  Un minister Rudy Croes probablemente bao di awa a yega na e cas y ta insisti cu e mster pasa bay paden.

  E pregunta ta bay paden haci kico? Den kico Minister di Husticia por bay yuda den un caso unda tres miembro di un famia a ser mata?

  Fiscal auxiliar na warda a mustre mesora cu e no por drenta e cas pasobra fiscal a duna orden y ademas tin un investigacion hopi riguroso tumando lugar.

  Minister a cuminsa haci expresion cu ta metemento politico tin pasobra no kier lage pasa.

  Esta un expresion di hende bobo ora bo tende un minister di husticia haci un declaracion asina.

  Un Minister di Husticia mester compronde cu ta hopi importante pa e investigacion ser haci cu tur trankilidad y menos hende cu no tin nada di haber presente ta mihor pa e solucion di e caso.

   Loke si e minister mester zorg ta pa atende e asunto cu hopi seriedad pasobra ya caba criminalidad a cuminsa bati na porta di henter Aruba y den su distrito e no ta un excepcion.

  Mas leu ainda cu e ta yegando mas cerca di esnan yega na dje mes.

  Un minister cu a sali for di labotarorium nunca por tin un conocemento di husticia y pesey awe mas cu nunca criminalidad ta batiendo nos comunidad si solucion na horizonte. 

 Back