AMIGONAN DI MAIKY TA EXIGI INVESTIGACION PA SU MORTO

Tambe mal administracion di Booshi y Nilo awe tin e consecuencia! 

ORANJESTAD (AAN): Conocirnan di Maiky Farro ta exigi pa un investigacion profundo pa e trato durante cu e tabata sera den KIA y e consecuencia di a fayece.

  Tambe nan ta desea pakico no a worde permiti control na Laboratorio. Pakico ta Maiky so mester a carga e consecuencia di mal maneho di gobierno.

  E dos ministronan tanto Booshi y Nilo ta esnan responsable di mal administracion di e entidad aki.

  E director ta esun cu tin di carga e consecuencia tambe. Si a actua na tempo awe Maiky sigur no tabata den problema grandi te cu el a fayece.

  Tin di habri e investigacion di nobo, inicia esaki na Laboratorio, cerca e mandatarionan y tambe den KIA.

  Pa cuminsa e dokter encarga cu KIA tin di duna cuenta. A bira tempo pa husticia funciona debido, si Landsrecherche no tin aparentemente e capacidad, laga R.S.T., rijksrecherche bin haci un investigacion.

  Hamas por ta asina cu aparentemente Maiky por a mafia e suma astronomico aki sin tabata tin control debido di gobierno.

  Nan ta lamenta profundamente locual a tuma lugar y mas ainda di a perde un bon amigo. Paz na su restonan y forza na su famia tabata e comentario cu amigonan di Maiky a duna di conoce.

Back