|
|
|
|||||||||||
|
Cu tristesa den curazon di hopi hende Nigel a bai sosega na Paz ORANJESTAD (AAN) --- Diasabra tabata un dia duro pa tur esnan cu conoce Nigel Robert Benjamín Zara, mihor conoci como “Nigel of Nacho” di cerca. Ya cu te awor aki niun hende no por caba di kere con un mucha asina hoben por a bai laga nos.
DIARIO Deportivo por a corda Nigel como un mucha cu semper tabata gusta hari y gusta para wak kiko bo ta haci pa e por sinja kisas den futuro. Y unda cu boso sirbidor bai, y si Nigel ta presente e ta bin cuminda y haci joke. Pesey mes awe nos kier a pone un foto pa e pueblo wak con feliz Nigel tabata den e deporte di baseball y cu un bunita sonrisa riba su cara. E tabata un sla duro pa hopi hende cu conoce Nigel of un di su famia nan. Diasabra mainta trempan tabata tin masha hopi hende cu a bin despedi di Nigel y desea su famia nan hopi forza den e momento difícil cu nan ta confonta cu ne. Boso sirbidor tabata presente di trempan na e funeraria nobo cu ta situa net banda di Texas N.V., esta Aurora y mester bisa cu tabata tin mas o menos 2500 hende cu a asisti na e entiero aki e atardi ey. Paden a tuma lugar e parti di ceremonia di misa, cu pader Richardson.
Coro di misa Aurora a deleita pa tur esnan presente cu bunita cantica nan. Después a bin canta un cantica sr. Etty Toppenberg cu su guitara. E atardi aki algun alumno cu ta den klas cu Nigel a bin recorda e bon momento cu nan a pasa cu Nigel y tambe con e tabata na scol. Su coach Ricky Henriquez tambe a hiba algun palabra y a conta con bon e la pasa cu Nigel den selección di Aruba y alavez a recorda e bon momento nan. Después a bai na veld di Ripoldo Croes Ball Park, caminda cu tabata tin mas o menos 1500 persona ya tabata warda riba e resto nan di Nigel pa asina dispidi di dje. Na e veld, e otro team nan di Center League division Little, Senjor y Junior a para canto di e muraya warda ora cu e recherche di morto drenta riba e veld, pa asina nan por a cana tras di e auto y después bai dispidi di Nigel mei mei di veld. Ora cu e recherche di morto a sali for di e veld y tabata cla pa bai, tur e muchanan cu tabata presente a laga un blaas bula bai pa bisa Nigel “Ayo”. DIARIO Deportivo kier a desea famia Zara condolencia y hopi forza den e dia nan difícil aki. Riba e foto nan por mira mas di e entiero di Nigel Zara.
|
|||||||||||
|
|
||||||||||||
|
||||||||||||
