SUCESONAN    

JALOERS A TRECE HALAMENTO DI SLA CU NE

ORANJESTAD.(AAN): --Pa 11’or di anochi ta presenta na warda San Nicolas e señora di inicialnan M.C.H. di 43 aña.

E señora a desea intermediacion pa motibo cu e homber B.T. di 40 aña cual ta su ex amigo tabata tin un discusion cu denunciante y esaki a sali for di man.

Consecuentemente e homber a dale wanta despues a inicia un discusion formal cu a homber a bise nan relacion a termina.

Pero pa e muher e relacion tey, el a bira jaloers ora cu e la wak e homber cu un otro muher.

E muher a bay na cas di e homber pa reclame y el a bisa polis pa e homber no yame y tampoco bin bishite, tambe e señora a bisa polis cu e homber ta bao influencia di alcohol. Polis despues di a scucha e version nan a bay na cas di e homber en cuestion.

Ora cu e unidad policial a presenta e homber ta para pafor. y el a wordo atende.

E homber di su banda ta splica polis cu e muher tur ora ta zundre ora e ta para papia cu otro muher.

E biaha aki e tabata para ta papia cu un chick nobo y e muher a presenta y bringa cune.

Tur dos a hala otro cu sla, tanto e homber y e muher a sufri rasca.

Ni e muher M.C.H. tampoco e homber B.T.  kier entrega denuncia contra di otro.

Persona cu polis a busca na cas tin dos luna na Corsow caba

ORANJESTAD.(AAN): Tabata 6’or di atardi patruya policial ta wordo dirigi den Tangerina y Berahenstraat relaciona cu un caso di atraco.

Polis a papia cu e homber di inicialnan E.R v/d B. di 38 aña.

 E homber a declara na polis cu un grupo di hoben  a maltrate y hasta nan a bay cu su placa.

E victima E.R. v/de B. a base di e sucedido a ricibi rasca na nanishi y e ta keha di dolor na su dedenan.

Tambe a victima segun su version un di e sospechosonan lo ta biba den vecindario di Patia straat.

Polis a tuma nota di e declaracion di e homber y nan a bay na direccion.

Na e cas polis a papia cu un señora relaciona cu e caso, y e señora a laga polis sa cu e persona cual nan ta buscando tin dos luna caba ta biba na Corsow y e no por ta e persona cu nan ta sospecha. 

Tumando na cuenta e seriedad di e caso, polis a avisa e victima pa mihor e acudi na warda Playa entrega denuncia oficial.

Cel pa drumi aden debi na actitud onbeschoft

ORANJESTAD.(AAN): Un colega polis a pidi presencia di su compañero agentenan pa presenta den Caya Soeur Melisa 

Tabata pasa di tres’or marduga e peticion a yega na oido di central di polis y mesora un unidad a wordo dirigi pa asisti nan colega.

Ora cu e patruya a presenta nan ta topa cu un colega y e ta bisa cu e homber di inicialnan JDE  naci na Peru di 43 aña a yega cas y ta strobe tur hende pa drumi y e ta zundra pa baster.

Ta asina señora di homber Peruano a yama e colega polis pa calma JDE  ora cu e colega a acudi na e cas e la constata cu e homber ta bao di su awa pa cual el a yama warda.

Polis a papia cu e homber Peruano pero su conducto tabata masha onbeschoft y e insulta e polisnan dilanti tanto su señora y yiu chikitonan.

A recomenda e homber mihor e bay drumi apartamento, pero el a rabia bira mas agresivo. Debi cu e famia no a desea e homber mas den cas debi na su actitud un biaha mas polisnan a papia cu e hombeer, su actitud no a cambia y a dicidi di detene.

Ora cu a pone un man den boei e Peruano a ranca sera esaki na conopi y a manda mokete den direction di e agentenan.

El a wordo gara , pero e homber a resisti, tog a logra pone den boei, finalmente a transporte pa warda y fiscal auxiliar a ordena pa pone tras di trali te ora e calma.

Muher no kier homber fastioso na su cas

ORANJESTAD.(AAN): Den oranan di atardi u muher ta pidi asistencia.

Polis a atende e señora inicialnan MMP di 45 aña., e ta declara di a confronta problema cu su ex amigo di inicialnan R.I.P. naci na Cuba di 30 aña.

Un tempo segun señora MMP e ta tin relacion cu RIP pero esaki a termina.

Su ex amigo Cubano segun e denunciante hasta a bay ricibi  tratamento na un afkick center.

Awor e homber a bin su cas hasi fastioso, ademas e señora ta bisa polis cu el a perde cos for su apartamento y e ta sospecha cu ta RIB lo a dale un Cuba, e no kier pa e homber presenta na su cas.

E homber no ta tey y polis a avisa e señora na momento e presenta yama warda di polis mesora.

Muher a roga na lagrima pa no cera su amigo cu e ta stima

ORANJESTAD.(AAN): Na Blenchi straat a surgi problema entre un pareha y segun informe suministra na polis cu esaki ta saliendo for di man.

Patruya mesora a wordo dirigi pa atende e caso.

Polis ta papia cu señora di inicialnan SSL di 32 aña., el a laga sa di tin problema cu su amigo intimo di inicialnan ADJT di 21 aña.

 E señora ta splica polis cu e amigo ta masha agresivo semper e ta acuse di ta jaloers.

 E homber amigo a comete destruction den cas e dia en cuestion hasta e amigo aki a menase, anto cu morto.

Polis a tambe a atende e homber , pero e tabata tin un boca grandi y un comportacion di desea contra di e agentenan segun e version policial ta relata pa cual nan atende riba esaki.

A puntra e señora si e kier entrega keho, e no tabata desea esaki, pero e no kier e homber aki mas den su cas.

Wel aki e homber a pone e homber explota el a acusa e muher dilanti polis a expresa palabranan masha mahos mes dificilmente por wordo describe 

Palabra mama el a manda tanto na grandi , polis a scual  e mucha homber, esaki no a yuda y e la wordo saca for di e cas.

Una vez pafor e la manda mokete, skop den direccion di e agentenan.

A surgi bringamento hasta benta polis rib caminda, polis a trata di pone den boei.el a resisti, poco klop educativo a cay , bisiña a cay aden nan tambe a zundra insulta e polisnan.

Finalmente a hiba e homber warda Santa Cruz, lo a duna verbaal ora e clama lo lage bay. Mientras tanto ta presenta na warda e señora SSL bao di yoramento, e no ta kier pa nan sera su amigo y pa lage bay.

Hasta e muher a roga segun e relato policial ta menciona y expresa tambe di ta stima e homber y ademas e no kier pa e perde su trabao.

Pero debi cu e homber a bringa cu polis tambe nan tin cu traha verbaal di e sucedido, a recomenda e señora pa mihor a spera un rato pafor pa nan por atende e caso y salida di su amigo.

Sra. Mad a denuncia su casa debi na maltrato

homber y polis despues a bira “mad”

ORANJESTAD.(AAN); Tabata casi mei anochi, e señora naci na Venezuela di inicialnan MAD di 26 aña a drenta warda di Oranjestad.

El a puntra polisnan cu a atende sin an por papia cu su casa cu ta sinta dilanti warda den auto.

E homber di inicialnan GARL  di 45 aña naci tambe na Venezuela segun version di e señora a maltrate den auto dilanti nan yiunan.

Polis a bay pafor y nan a papia cu e homber, pero agentenan a constata cu e homber ta bao di su awa y el a wordo puntra kico a pasa.

Pero envez di contesta e homber a bira agresivo e tabata kier a maltrata e señora dilanti polis.

Hasta e homber a pusha a bay asina leu pa pusha un agente.

Polis a reaciona y detene e homber Venezolano per direct.

Tabata cuestion di cruza caya na pia y laga sere tras di trali pa e come down.

Back