A habri cabez cu hilchie di zapato...

PELEA FORMAL NA CERTIFIED MEGA MALL

ORANJESTAD (AAN): Dos ruman muher cu a bin cobra un placa aparentemente a haya un discussion y aki te hasta a bay over na agredi e homber cu tabata bende cellular na Certified Mega Mall.

  E caso a sosode den careda di 12’or di merdia y varios patruya a yega mesora na e lugar unda ainda e situacion tabata basta fastioso.

  Segun e victima e problema tin di haber cu compra di un auto y e drechamento di e airco. E airco segun el a splica DIARIO tabata costa 400 Florin pa dreche y e palabracion tabata pa esun cu a bende y e cu a cumpre paga 200 Florin.

Awe nan a bin cobre 400 Florin. El a bisa cu e no ta paga 400 Florin.   Esaki ta loke el a declara tambe na nos mesa di redaccion.

  Parce cu e dia anterior caba tabata tin yamadanan di menaza for di un di e muhernan cu a bin busca problema y e yamda aki lo a bin ofr di Curacao.

Diripente dos muhernan a yega na Certified y asina despues di discussion parce cu cos a bay for di man.

  Tin testigo ta bisa cu e muher a bay riba e homber y el a bolter e muher benta abao.  E homber ta bisa cu e no kier a sale e muher y mas bien kier a pushe ora cu el a bin riba dje.

  Asina tin diferente declaracion, pero un cos ta sigur cu un di e muhernan a pasa man pa su zapato y agredi e homber den su frenta cu hilchie die zapato.

  Polis a logra calma e situacion y manda cada partido pa warda di polis pa asina recherché atende e caso.

 Back