LADRONICIA DI DIFERENTE COMPUTER

ORANJESTAD (AAN) – Diadomingo mainta esnan encarga cu e establecimento di Internet den Havenstraat, net pariba di Tierra Colombiano, a yega y haya cu antisocialnan a bolbe kibra nan lugar y drenta pa horta.

  Ora cu a bay tira un bista, nan ta bin compronde cu e ladronnan a bay cu tur e Computernan for di den e lugar. Logico cu e computernan no por a bay leu, ya cu biaha pasa ya caba tabata e choller privilegia cu tabata esnan cu a horta e aparatonan aki y probablemente e biaha aki ta mes un persona cu a lo a drenta horta.

  Mientras cu reportero di DIARIO tabata presente, un di e personanan encarga cu e lugar a haya melding cu lo tin un choller un poco mas panoord cu un computer den un caretia y mesora nan a core bay den su direccion, pero a bin resulta cu e computer cu e choller privilegia tabata tin den e caretia, no tabata esunnan horta di su negoshi.

Back