Gert Jan Knijnenburg di Continental Scott Racing Team a gana Codemsa MTB Classic

ORANJESTAD (AAN) ---  Diadomingo mainta a tuma lugar e Codemsa MTB Classic, na Bushiribana cu a ser gana pa e hoben Gert Jan Kniijnenburg, di Continental Scott Racing Team di Hulanda.

Na di dos lugar a keda George Winterdal di “Club Ciclismo Barcadera” y na di tres lugar a keda Lucien Dirksz di “Giant”, ambos di Araba.

E careda aki tabatin un participación basta grandi di amante nan di e deporte aki, esta mountain bike. DIARIO Deportivo kier a felicita Gert Jan Knijnenburg cu su logro y un pabien grandi tambe na e otro ganador nan di Aruba.

Den proximo edicion di DIARIO Deportivo nos ta bin cu e resultado completo di e “Codemsa MTB Classic 2008”.

Riba e foto nan por mira mas di Gert Jan Knijnenburg aki na Aruba.