Investigacion:  Rudy 2

Loke Rudy Croes a haci durante e ultimo aņanan tabata concentra riba enrikece su famianan na un manera barbaro sin lo minimo di escrupulo. Pa un parti grandi e famianan a haya sumanan di huurnan enorme di gobierno pa nan edificionan.

Hasta tabata tin casonan cu no tabata tin ni plannan cla pa construi un edificio y ya caba ruman of sobrino di Rudy Croes a haya contratonan di huur  miyonario pa suficiente aņa pa presta e placa di construccion na banco y resta ganashinan bruto pa pone den nan saco.

E grupo di Croes tabata esun cu mas tabata abusa y cobra sumanan exorbitante. (kizas Marisol so por a pasa nan! )Ta hustamente e corupcion den e departamentonan di Rudy Croes ta loke a lanta e atencion di gobierno di Hulanda pasobra nan a bira asina bisto cu no por a bira cara pa nan mas.

Na cuminsamento ainda e Croesnan tabata trata di sconde e corupcion door di bin cu un cantidad di companianan cu nombernan straņo. E edificio di Tanki Flip ta un di nan cu a worde scondi tras di varios nomber. 

E edificio aki a worde gehuur door di gobierno pa 720.000 Florin pa aņa. Ora bay busca ta di kende e edificio aki ta cu ta produci asina hopi placa pa aņa ta resulta cu e compania di e edificio yama Crystal Plaza. Un nomber cu no ta bisa nada di kende e doņo ta.

Si investiga un poco mas leu ta resulta cu doņo di Crystal Plaza ta Gold Mine Properties N.V. (Mina di Oro NV) cu ainda no ta bisa nada di kende e edificio aki ta. Bayendo ainda mas profundo ta sali na cla cu e director di e Gold Mine Properties N.V. ta Esmeralda Capital Holding N.V. cu tampoco no ta mustra kende ta e berdadero doņo cu ta gana tur e placa di huur.

Investigando mas den profundidad ta bin duna na claridad cu director di Esmeralda Capital Holding N.V. ta pa sorpresa di mundo Eduardo Marcelino Leoncio Croes yiu di Hendrik Croes, ruman di Rudy Croes.

   Kende lo no desea un deal asina? Di antemano un contrato den man pa un  parti di e edificio pa Afl. 720.000 pa bay banco haya e placa di construccion fia y bira rico den corto tempo.

Nada, pero nada di Ministerio Publico. Un silencio macabro di tur autoridad cu mester controla gobierno. Algemene Rekenkamer no ta duna e casonan aki atencion pasobra ta trata aki di e gobernantenan di MEP. 

Pesey un biaha mas  DIARIO ta enfatisa cu investigacion severo mester bin bao guia di hendenan serio pa sanea Aruba for di e criminalnan di MEP. Ariba e pagina aki ta mira e pruebanan di e compania pa sconde kende ta doņo di  e edificio na e rotonde di Tanki Flip. 

Back