PAKETENAN DI OFERTA LO MESTER SEGURA CARANAN NOBO ARIBA LISTA DI MEP 

ORANJESTAD (AAN): Cu partido MEP ta mal para pa eleccion 25 di September 2009 tur hende sa. E pregunta grandi ta “con desastroso e derota di MEP lo ta”. Pero pa esey nos tin di warda e resultado di voto di pueblo den September venidero. Pero mientras tanto Nel Oduber y MEP ta trahando duro pa segura cu e sla lo ta menos doloroso cu ta posibel. Caranan nobo ta subiendo lista di MEP, pero adhunto parce algun cu nan “incentivo”. 

OFERTA DI PAKETE

Pa subi ariba cualkier lista di partido politico, tin algun exigencia. Pero esnan mas importante mester ta preparacion, un vision pa mehora Aruba, meta y tambe dedicacion y perseverancia.

TRAHADOR DI CASINO LOCAL BUSCA PA AUTORIDAD DI SALUBRIDAD 

ORANJESTAD (AAN): Pa evita cu nan por ser infecta e personal di salubridad publico a drenta un casino local den un cadena di hotel masha conoci y bay cu un empleado.

Esaki parce ta di dos empleado na e dicho hotel cu e personal di salubridad publico a bin busca. E forma cu e personal di salubridad publico a yega na e hotel a causa henter un consternación cerca e empleadonan di dicho hotel principalmente den casino.

W.E.B. ARUBA N.V. TA HISA TARIFA 12%

A base di aumento den prijs di fuel oil.

ORANJESTAD (AAN): E compania W.E.B. Aruba N.V. a haci e calculonan necesario pa determina e tarifanan di awa y electricidad pa luna di juli. Manera publica anteriormente e aumento di prijs di fuel oil riba mercado mundial ta duna un average di riba 60 Dollar pa bari pa juni. W.E.B. Aruba N.V. a uza un average di 52 Dollar pa bari pa calcula tarifanan pa luna di juni.

ARUBA TIN 7 CASO DI GRIEP DI PORCO 

ORANJESTAD (AAN):  Dia 15 juni ultimo Departamento di Salud Publico (DESPA) a ricibi un notificacion di casonan sospechoso a base di informacion cu hungadornan di volleyball di Aruba tabata den contacto cu e team di Surnam cu a test positivo pa e virus di Influenza A H1/N1. For di e momento ey DESPA a cuminsa cu e investigacionnan necesario pa haya mas dato posibel for di e team di volleyball di Aruba y nan contactonan mas cerca, pues esnan na nan cas.

   Te awor e resultado di e investigacion ta mustra cu Aruba tin un total di 7 caso confirma cu e virus di Influenza A H1/N1. Tur e casonan aki di un of otro manera ta relaciona cu otro. Manera ta conosi caba, pa por contagia cu e virus aki bo mester ta den un distancia di menos cu 1 meter di un persona contagia pa bo por haya e virus aki.

Investigacion:  Rudy 2

Loke Rudy Croes a haci durante e ultimo añanan tabata concentra riba enrikece su famianan na un manera barbaro sin lo minimo di escrupulo. Pa un parti grandi e famianan a haya sumanan di huurnan enorme di gobierno pa nan edificionan.

PUEBLO TA DEN PROBLEMA SERIO PA FALTA DI OVERTIME PA POLIS

Minister Rudy Croes ta castigando e pueblo… 

ORANJESTAD (AAN): E falta di placa pa overtime ta caba di hinca Aruba den e desastre cu tin pa loke ta criminalidad. Pakico Rudy Croes mester actua di e forma aki contra su pueblo.

Awor tur esnan cu tin e speranza cu polis lo soluciona nan caso ta den problema serio. Polis ta haya nan mes obliga ta tuma nan dianan liber pasobra no kier paga overtime. Falta di placa ta e problema mas grandi.