Reaccion riba e remitido: Kiko Cristianismo tin di haber cu Budhismo

Na  promer lugar danki pa permitimi reacciona riba e remitido : Kiko Cristianismo tin di haber cu Budhismo ,publica den boso matutino di Diaranzon 23 augustus 2006.

E articulo aki tabata scirbi na Hulandes.Ora mi a lesa e articulo aki mi tabata irita pa e tantismo insinuacionan falso cu e ta contene.Ta manera e autor di e articulo kier lagabo pensa cu Cristianismo ta djiez un copia di Budhismo y hasta a bay asina leu  di sugeri cu famia di Hesus lo tabata fuertemente influencia door di Budhismo.

Si tabata asina, con por ta posibel cu Hesus a  celebra su ultima cena, e Pesag of Ceder Pascual (un celebracion netamente hudiu), cu su discipulonan.Den e articulo ta wordo presenta dos Mesias; tin Hesus y tin Buddha, pero na final no por sconde e mensahe cu lo mester prefera y escohe Buddha como Mesias.

Budhismo ta origina for di un revelation y iluminacion personal di un homber Hindu jama; Siddhartha Gautama, cu a biba na India mas o menos 500 - 400 aña prome cu Cristo.Despues di hopi ora di a practica meditacion Hindu; iluminacion a bin. For di e tempo ey el  a wordo yama; Buddha (esun cu ta ilumina).

Kiermen ta berdad cu Budhismo a cuminsa 500 aña prome cu Cristianismo.Pero tin diferencianan grandi entre Cristianismo y Budhismo.Por ehemplo; Buddha ta siña cu existencia, ta un circulo continuo di muri y  bolbe nace (reincarnacion) y cu Karma tin un influencia den bo bida presente.

Cristianismo no conoce reincarnation; na e momento di morto cada hende ta ricibi den su alma inmortal un huicio particular; sea bo ta bay den gloria di Dios (via un purification) of den condena eterno.

Awor nos kier haci e siguiente preguntanan: ken tabata spera riba e benida di Buddha ?ken a priminti nos su benida? y a splica nos cua ta su mision.? Cua ta su apariencia ?y su plan di salbacion pa humanidad.?

Budhismo por wel a cuminsa 500 aña prome cu Cristianismo, pero 300 aña promecu Buddha ya Dios a papia pa boca di profeta Isaias (Tèstament Bieu) y a mustra di unda e Mesias lo bini.

Laga nos lesa kico Santa Scritura ta bisa: "Wél, ta bon. Señor mes lo duna boso un señal; mira,e mucha muhe hoben lo sali na estado y lo duna luz na un yiu homber. L'e yame "Emanuel",

"Dios cu nos". Lo e come lechi cuahá y miel dia e yega na edad di por rechaza loke ta malo yscoge loke ta bon. Is.7,14-15Rumanan, profeta Isaias a bisa esaki 800 aña prome cu Cristo mes a nace.

Awor cua ta su mision? Lesa pa boso mes; Is. 42,6-7Hesus a ofrece su mes como e sacrificio perfecto, su pasion y morto ariba cruz pa despues resusita.

Acaso Buddha tambe a bebe for di copa amargo aki?; cu un bez den hofi di Getsémani a ranca for di Hesus e palabranan "Aba, O mi Tata! Pa Bo tur cos ta posibel; tuma e copa di sufrimentu aki for di mi. Pero no loke Ami ke, ma loke Abo ke". Marko 14. 16

San Pedro tambe ta declara ku Hesus ta Mesias."E ora ey Hesus a puntra nan: "Anto boso mes, ken boso ta bisa mi ta? " Pedro a contest E';"Bo ta e Mesias, cu Dios a primintí! Luk.9.20E ta señor di tur hende, di Hudiu y no-Hudiu.

E ta señor di tur pueblo hunto, di Iglesia universal (=catolico).No di hopi diferente Iglesianan y gruponan dividi. E ta e Esposo di su bruid, cu ta su Iglesia.Acaso por tin mas cu un bruid ?Den e documento  di Vaticano -11 "Declaration on the relation of the Church to non-christian religions".

Iglesia catolico ta pone su posicion pa cu e religionnan no-christian entre otro  Hinduismo yBudhismo.

Iglesia catolico no ta rechaza nada cu ta contene e berdad den e religionnan ey. E ta respeta e manera di biba y conducta di nan, tambe nan doctrina (aunke e ta diferencia di hopi manera).

Den e declaracion; Iglesia NO ta bisa cu catoliconan ta liber pa envolvi nan mes den practicanan religioso di e religionnan ey of pa adapta algo di nan filosophia den nan bida Cristian.

Al contrario, e ta bisa cu catoliconan mester para firme den nan fe, y pa proclama Hesus Cristo, cu ta e caminda berdad y bida. Juan 1;6

R. Simileer

                                  Back