|
|
|
|||||||||||
|
 |
ORANJESTAD (AAN)- Minister Plenipotenciario sr. Frido Croes a atende na de Koningskerk na Amsterdam diahuebs 17 di Augustus un recepcion chiquito pa dominee Hein Hessen, pa celebra cu e tin 50 aña ta predica como dominee. Presente tabata su señora, su yuinan, sra. Ivonne Navas di departamento di Enseñansa di Cas di Aruba y miembronan di "Oudstenraad van de Evangelische Broedergemeente Amsterdam Stad en Flevoland. Na e ocacion aki sr. Croes a gradici dominee Hessen den nomber di e pueblo di Aruba pa e 21 aña cu ela traha como dominee pa e comunidad protestant di Aruba. Banda di su trabao como dominee na Aruba, sr. Hessen a haci hopi trabao social pa e comunidad Arubano. Aki na Hulanda sr. Hessen pa 11 aña a traha como studiementor pa e studiantenan di Den Haag. E mandatario a felicita dominee Hessen y su famia pa e hubileo aki y a desea nan tur clase di exito pa futuro. Dominee Hessen a bisa cu ela yega Aruba cu un contract pa cuater aña, cu despues a resulta den 21 aña. Sr. Hessen a bisa di ta gradicido pa tur loque Aruba a haci y nifica pe. |
||||||||||
|
|
||||||||||||
|
||||||||||||
