|
|
|
|||||||||||
|
 |
ORANJESTAD (AAN) - Fraccion di MPA a reacciona riba mi proposicion pa cada parlamentario Responsabiliza cu recibonan e "daggeldvergoeding" cu e ta ricibi ora e ta biaha pa exterior y a califica esaki como "kinderachtig". Pa di tantismo biaha MPA ta defende privilegionan pa politiconan. Laga nos repasa e record aki di MPA. Segun Rudy Lampe di Partido Red, "Mi a bin cu e proposicion pa cambia posicion huridico di minister y parlamentarionan, entro otro hisa e edad di pensioen, elimina "diferente toelagen", etc. MPA no a duna sosten na esaki, y ta di comprende pasobra e presidente di MPA tabata parti di e gobernacion cu a crea e privilegionan aki pa minister y parlamentarionan. Mi a propone pa elimina e 'telefoontoelage' di parlamentarionan, mirando cu nos tin nos oficina na Parlamento unda nos por haci uso di telefon y no tin necesidad pa pueblo paga nos uso di celular cu no ta controlabel si e ta wordo usa pa trabao di parlamentario of pa negoshi particular. Fraccion di MPA no a acepta esaki y a pidi pa haya e telefoontoelage' via un sistema nobo. Mi a bin cu e proposicion pa cambia e ley di 'overbruggingstoelage', y reestablece su sentido original, esta cu ta trata di un apoyo financiero durante un tempo determina ora un ex-parlamentario cai den un bashi financiero despues di a funciona como parlamentario te cu e haya un otro entrada. Presidente di MPA a critica esaki y contra e espirito di e ley aki a exigi pa cobra den un solo shot un aña di salario como parlamentario a pesar cu e a regresa den su funcion di antes cu salario sin cu e a cai den un bashi financiero ora e a baha como parlamentario. Mi a propone pa parlamentarionan den futuro no biaha mas den business class, MPA a duna un rueda di prensa defendiendo pa parlamentarionan sigi haci uso di business class bao di e argumento cu mester prepara y lesa documentonan. Mi a propone cu un parlamentario mester presenta recibonan di gasto haci durante su viahe y debolbe e suma cu a sobra di e 'daggeldvergoeding', fraccion di MPA ta califica esaki como 'kinderachtig'. Mientras cu tur ambtenaar ta obliga pa ora di un 'dienstreis' di presenta recibonan di gasto y ta debolbe loke a sobra of ta haya paga loke e a gasta di mas. Mi a propone pa parlamentarionan paga un boet pa cada biaha cu nan falta un reunion di Parlamento, fraccion di MPA a nenga di sostene e mocion aki. Un ambtenaar si ta haya sancion contra su persona si e no presenta na trabao. E conclusion di tur esaki ta: MPA ke men Mas Placa Ainda pa politiconan of bo por pone tambe di otro manera, e ke men Mas Privilegio Ainda pa politiconan.". |
||||||||||
|
|
||||||||||||
|
||||||||||||
