Segun Monica Kock:

MPA A LOGRA HOPI CU 1 ASIENTO 

Cu mas asiento MPA lo haci mas 

ORANJESTAD (AAN): Matutino DIARIO a tuma nota, cu MPA a traha un foyeto na unda MPA a pone e logronan di MPA. MPA a hay’e importante pa informa e pueblo di e logronan di MPA.

   Cu un asiento MPA a logra mas cu e otro parlamentarionan hunto. Hopi biaha e pueblo no sa kico ta pasa den parlamento. Ken ta presente of no. Y ta berdad cu tin parlamentario cu no sa presenta mes na parlamento y ta campañia desde 2005. MPA ta di opinion cu bo ta worde paga pa traha na parlamento, aunke e no ta bisto pa pueblo. Y MPA ta esun cu un asiento a haci mas cu otro.

   Den 90 dia MPA a saca 3661 voto. Monica a bira e di # 4 politico di mas hopi voto di Aruba.   (*) A traha ley di iniciativa pa cambia e edad di 16 pa 18 aña pa cumpra alcohol. (*) A traha ley di iniciativa pa combati violencia domestico y proteha e victima door di prohibi e abusador drenta cas. (*) A traha ley di iniciativa pa cambia ley di LTU concerni Arubiano casa cu stranhero.

  Tambe: (*) A entrega mas ley cu tur dos partido grandi hunto (19 parlamentario). (*) A logra cu e brandstofclausule worde publica.  (*) Logra decision cu ta prohibi pa corta coriente y awa den weekend (mocion). (*) Logra pa experto di ECLAC bin Aruba pa energia alternativa pa baha costo di awa y coriente.

   (*) A organiza y participa den demonstracion contra impuesto y BBO.  (*) Monica ta e persona cu a entrega e peticion di anula BBO den man di Minister Presidente.  (*) E prome y unico persona cu a manda carta na gobernador pa no sigui cu BBO.  (*) A co-sign e peticion Gobernador pa para BBO despues cu a worde aproba.

   (*) Logra decision pa baha e orario maximo di trabao di 48 pa 44 ora aproba y awo ta den e concepto di ley di labor.  (*) A logra un Plan Nacional di Obesidad 2008-2018 y aprobacion di European Public Health Alliance.  (*) A logra cu den presupuesto di 2008 pa no corta e subsidio di SABA cu 10%.

   (*) A logra cu leerplicht a sali foi laachi cu ta para desde 2001. (*) Logra decision pa school ta te mas lat pa asina logra pa nos yiunan ta den lugar safe.  (*) Logra cu bestuurskantoor worde conserva pa futuro generacion.   E parlamentario cu ta haci mas hopi pregunta na presupuesto cu tur otro partido.  E ta posibel!

Back