WASHINGTON: Presidente di Merca George Bush lo biaha pa Latino America na November, pa cu e cumbre di Las Americas y reunionnan cu presidente di Argentina, Brazil y Panama.

Esaki a wordo anuncia pa White House Diaranzon.

Bush lo bishita Mar del Plata, Argentina di 3-5 di November, pa cu e cumbre di las Americas, marcando e di tres biaha cu e ta hasi esaki, desde cu el a bira presidente.

Bush lo topa tambe cu presidente Argentino, Nestor Carlos Kirchner.

E bishita lo permiti e presidente pa continua su combersacionnan cu leadernan democraticamente eligi di e continente.

Tambe esaki lo mustra e interes cu Merca tin pa cu Latino America, unda cu Bush lo purba promove consolidacion di Democracia y expansion di oportunidadnan Economico y prosperidad atraves di mercadonan habri.

Esaki segun White House, kende a informa tambe cu Bush lo ta na Brazil riba 5 y 6 di November, pa cu un bishita cu presidente Luiz Inacio Lula da Silva.

Riba 6 y 7 di November  Bush lo ta na Panama, pa bishita presidente Martin Torrijos Espino.