MONICA KOCK DI MPA TA MIRA CU GOBIERNO TA DEN “PAUSE”

Turismo a baha, construccion a para y Valero posibel paro total 

ORANJESTAD (AAN): Receientemente tabatin un reunion na parlamento cu WAB, AHATA y AAS.

   Den e reunion aki solamente tabata presente e presidente di e comision Dumfries, MPA sr. Lampe cu a bin laat. Sra van Poppel. AVP no tabata presente ni e miembronan di MEP di e comision tabata presente.  

Splicacion duna tabata cu nan ta campañando. E topico tabata e crisis economico y situación di Aruba na unda tabatin invitado. E comentario di e invitado tabata cu nos tin un crisis economico na Aruba, y esey no ta worde attendi pasobra campana ta mas importante.

   Comentario tabata cu Aruba su economia no por wanta 3 luna sin worde attendi. MPA ta haye un lastima mirando e información cu a worde duna na e reunion. AHATA ya caba a kita 50% di e trahador cu ta via subcontractor.

Y den constructiom 75% di e trahadornan di e subcontractors a worde retira. Esaki ta 5000 trahador.

   Den esaki e pregunta ta keda unda nan ta y di kico nan ta biba. Mas ainda WAB a trece dilanti cu tin proyecto manera Corte cu te awe ta para pa mas cu un aña. Di parti di e organizacionan ta trata todo por todo pa wanta e personanan na traboa.

Lastima cu no tin plan di accion di Gobierno. Awo cu Valero tambe a informa cu e ta bay para operación den tres luna gobierno mester tin un plan di accion pasobra e situacion economico di Aruba awo ta alarmante, Pero parse esaki no ta importante pasobra no ta pone atención na dje. Ta tempo pa pone e pais como prioridad.

Back