EXITOSO NELSON MANDELA FESTIVAL 2009 ROTTERDAM

ORANJESTAD (AAN): E festival ta un di e eventonan anual cu ta ser organiza como forma pa recauda fondo pa e Nelson Mandela Fonds Hulandes.

E Fonds aki ta activo cu 17 proyecto na Sur – Africa cu ta steun miles di muchanan na e pais aki cu cada dia ta muri door di entre otro e enfermedad Aids. E Fonds cu a ser crea na 1999 ta un idea di e ex-presidente di Sur-Afrika Nelson Mandela.

  Den su discurso, e presidente  di NMF sr. Oedairam a enfoca riba e importancia di e festival aki cu ta uni un y tur cu ta forma parti di e multiculturele samenleving Hulandes.  Tambe el a informa tur presente con Nelson Mandela ta aplaudi e idea aki.

   Den sala principal di centrum t’ Klooster cu ta banda di Afrikaanderplein e organizacion a ricibi nan invitadonan di honor. Entre esakinan tabata presente entre otro e First Lady di GEORGIA (ex-Union Sovietica) ) Sandra Roelofs Mc di e partE escritor Arubano Quito Nicolaas a laga un y tur den e VIP Room  enthousiasma cu su mensaje

E bestuur di Nelson Mandela Festival ta consisti di e morocho Arubano  di e casa cosmetica Nubian Queen  Germaine & Corinne Hernandez, John Deekman y Henk Oedairam como voorzitter.  E bestuur por wak atras riba un evento exitoso. Pabien na un y tur cu e organizacion di e vento cu tur aña ta crece mas y mas.

  Un multitud enorme consistiente di mas cu 10.000 persona a acudi e aña aki na e festival.  Afrikaanderplein na Rijnhaven Rotterdam tabata weekend pasa e location di e di 6 edicion di e famoso Nelson Mandela Festival 2009.

E dia multicultural riba e plaza a ser adorna pa standnan di cuminda,  souveniers y otro objetonan di diferente parti di mundo.  Riba e dos esenarionan varios artista y banda a deleita e publico presente.

Back