|
|
|
|||||||||||
|
 |
ORANJESTAD(AAN):Informacion cu nos a haya ta bisa cu na Lotto pa Deporte a yega un deurwaarder cu un beslag di 50 Mil florin den nomber di dos persona cu ta bida den cercania di Entertainment Center na Dakota. Aki ta trata di un beslag relaciona cu supuesto decibel halto cu actividad di Sparkling Tour y otro actividad religioso lo a pasa cu e sonido cu nan tabata tin. Ora cu bo mira kendenan a pone e beslag aki bo ta puntra bo mes si e hendenan aki ta contra actividad pa nos hobennan of ta contra tambe actividadnan educativo religioso. Kico esnan tras di e beslag aki kier logra si e actividadnan aki a termina prome cu 12’or di anochi. Berdad tin un sentencia den corte, pero den bida bo mester pone cosnan asina den un balansa y mira kico lo bo ta logra cu e beslag contra Lotto pa motibo di un actividad di Sparkling Tour pa Hubentud y tambe pa un actividad religioso. Loke nan , - esnan cu a pone beslag -mester constata e daño cu nan ta haciendo. Bo por bisa si tabata trata aki di un fiesta cu a termina te den oranan di marduga no tin problema, pero actividad pa hubentud y pa un grupo religioso, ta cosnan cu ta pone hende pensa cu sa tin hende di mala fe. Awor ta Lotto nan kier demanda cu e asunto aki unda nan a manda primeramente cuater carta y awor su tras deurwaarder mes a bin pone beslag. Kizas ainda nan consenshi por remorde y mira ki daño nan por haci ora cu nan ta caba cu un actividad pa hubentud di es forma aki. |
||||||||||
|
|
||||||||||||
|
||||||||||||
