TURISTA A HAYA ATAKE DI CURAZON ORA DI SAMBUYA

ORANJESTAD (AAN): Un caso tragico a keda registra Diahuebs atardi algo prome cu 3:45’or, riba laman pabao di Aruba.E turista Michael Freer, ta di bishita na Aruba, y a bay practica deporte di Buceo, cu un team na e area cu piscadornan conoce como “Pedernales”.

CIUDADANO A BAY DEFENDE SU MAMA Y PASA AUTO RIBA HOMBER ABUSADOR

ORANJESTAD (AAN): Pa algun tempo caba un pareha Haitiano tin problema cu otro. Kico exacto y con e esaki a cuminza, no ta conoci pero esaki a escala e siman aki, y Diahuebs atardi a bira un problema basta serio.

Dokter di KIA, primo di Minister Rudy Croes, no ta registra na BIG

Tambe e ta haya trato preferencial pa loke ta periodo di estadia 

ORANJESTAD(AAN): Awor cu tur caminda y for tur skina preguntanan ta worde haci relaciona cu e morto repentino di Maiky Faro, cosnan ta sali na cla cu un biaha mas ta pone hende puntra nan mes ki direccion Aruba ta tumando cu tur sorto di iregularidad riba e isla chikito aki.   Buscando informacion nos a bin haya sa cu e dokter Lopez na KIA, un primo Venezolano di Minister Rudy Croes, no ta registra na BIG. Esaki mientras cu di tur otro dokter trahando aki na Aruba ta worde exigi cu nan tin e registracion aki. Asina e propio Minister di Salubridad Publico sr.Booshi Wever por medio di AZV a termina contract di diferente dokter, pasobra cu sea nan no ta registra na BIG of nan periodo di tres aña a pasa.

   Henter e asunto di registracion na BIG ta algo cu ampliamente a worde elabora riba dje ora a manda dokternan cas pa e incumplimento aki. Pero, pa dokter Lopez ley ta worde cambia y dobla. Dokter Lopez no a haya e restriccion di tres aña y ni tampoco e ta registra na BIG. E no ta un dokter cu tin un specialisacion cu ta difícil pa haya y pa cual lo por a haci un excepcion grandi.

HYUNDAI GETZ DI POLIS A CAY DEN LAGOEN

ORANJESTAD(AAN): E Hyundai Getz di e departamento di administración di cuerpo policial a cay den awa. Pa un descuido e trahador a baha di e auto y e intencion tabata pa baha algun caha.

EXITOSO NELSON MANDELA FESTIVAL 2009 ROTTERDAM

ORANJESTAD (AAN): E festival ta un di e eventonan anual cu ta ser organiza como forma pa recauda fondo pa e Nelson Mandela Fonds Hulandes.

SEGURIDAD DEN AREA DI HOTELNAN NO POR WORDO CARGA PA SECTOR HOTELERO SO!

Sector comercial tambe por contribui pa ta parti di e solucion 

ORANJESTAD (AAN):  DIARIO a tene ayera un entrevista cu Sr. Jan van Nes relaciona cu un yamada di urgencia cu esnan cu ta forma parti di Aruba su sector turistico, a haci debi na e situacion di inseguridad banda di e high-rise hotelnan cu ta bayendo for di man.

  Den pasado, a bisa, nan a haci e yamada aki caba, pero nan no a haya mucho respuesta.  Nan ta sinti aworaki cu tanto desaroyo, specialmente den e area di high-rise hotelnan ta necesario pa e sector comercial compronde cu e seguridad no por worde carga solamente door di Aruba Hospitality & Tourism Association, AHATA y ATSA pero nan tambe mester contribui pa ta parti di e solucion.

UN PETICION A BAY NA MINISTER PA PONE PLACA DISPONIBLE PA HAYA POLISNAN BEK DEN AREA DI HOTELNAN

Si gobierno duna su parti seguridad lo crece den e area di hotelnan! 

ORANJESTAD (AAN):  Den entrevista cu ex-Alto Comisario di Polis,  Sr. Ronnie Bernadina,  el a referi na e  reunion cu tabata tin ayera entre esnan cu ta forma parri di e fundacion nobo cu a ser lanta, esta Aruba Hospitality Security Foundation (AHSF), cual ta hopi preocupa cu e falta di seguridad cu ta existi den cercania di e hotelnan.

  El a señala cu tempo cu a bin cu e proyecto aki pa trece seguridad den e zona, e tabata comisario den distrito Noord na 2001 y el a bin cu e idea di lanta un Visibility Team cu pa team e ta consisti di cuatro polis. Un di nan ta e lider, cuatro hendenan di Cuerpo Especial Arubano (CEA) y cinco security cu ta wordo paga door di e fundacion Aruba Hospitality Security Foundation (AHSF).