|
|
|
|||||||||||
|
 |
ORANJESTAD (AAN) -- DIARIO a entrevista e relacionista publico di Aruba Bank, señora Bikker, tocante e campaña cu nan tin yama “Mega riba wheel”, dirigi na e personanan cu ta den plan di cumpra un auto. Señora Bikker a bisa cu e preparacion pa e dia di oferta ta bayendo hopi bon, y Aruba Bank ta hopi entusiasma cu e reaccion cu nan ta hayando for di e dia cu nan a anuncia esaki siman pasa. Nan ta hayando reaccion di hopi persona cu ya caba a bin banco pa check nan fianza, pasobra ta importante pa e cliente sa te ki montante nan por aspira, pa nan prepara e ora ey pa dia 3 di September nan bay scoge nan auto. Aruba Bank ta recomenda tur hende cu tin intencion di cumpra un auto aworaki, pa probecha di e deal aki di tanto Aruba Bank como e “car dealernan”, cual lo ta dia 3 di September solamente.
Señora Bikker ta recomenda pa no warda te dia 3 di September mes, pero pa nan bay banco for di aworaki pa haci e tramite necesario y wak e montante cu nan por haya. For di Aruba Bank nan lo haya un carta cu cual nan ta presenta cerca e “car dealer” riba e fecha menciona pa nan scoge nan auto. Tambe nan por bay na e agencia di auto prome, scoge nan auto, haci nan tramite via di e “car-dealer” y tambe nan ta haya nan carta e ora ey. Pero te dia 3 nan por haya e oferta pasobra riba e fecha aki so e ta valido. E oferta ta encera cu e cliente ta haya su auto aworaki y cuminza paga te na Januari 2007. Kiermen for di September te na December e persona no ta paga interes, y tambe nan por participa y gana 10 mil Florin di descuento riba e fianza, y tambe e banco tin un acuerdo cu e companianan di seguro cu e cliente ta haya un minimo di 10% di e seguro. E intencion di Aruba Bank ta pa kibra e record y mas ainda pa tur hende cu kier cumpra un auto nobo probecha di e oferta mega aki, mientras cu cada “car-dealer” ta preparando nan propio oferta pa e dia ey, banda di esun di Aruba Bank. |
||||||||||
|
|
||||||||||||
|
||||||||||||
