|
|
|
|||||||||||
|
 |
GERARD “SHON” TABATIN UN ENTIERO HOPI COMOVEDOR
ORANJESTAD (AAN) – Diahuebs mainta trempan, famia, amigo y conocirnan a bini hunto na misa San Francisco, pa asina tuma despedida di
Sr. Gerard “Shon” de Veer kende a fayese algun dia atras. Ya den oranan di mainta trempan, por a tuma nota cu masha hopi hende a bay haci uso di e oportunidad pa despedi di e conocido Shon de Veer.
Rijnan largo di persona cu kier a despedi tabata bay di paden den misa te banda di refresqueria Degracia. Den misa mes henter e famia a para manera tanto Shon de Veer a boga pé, cu ta formacion di un famia uni. Gerardo de Veer su amigo mas ayega y stima cu ta sr Albertico Arends tambe tabata tey pa tuma despedida di su amigo cu tanto tempo a comparti momentonan bon y poco bon.
Na dos oportunidad e cantica El Viejo a wordo toca, recordando asina e cantica preferi di Gerard de Veer. DIARIO ta haci uso di e oportunidad aki y ta manda palabranan di hopi forza pa e famia y conocirnan di Gerard de Veer y cu todopoderoso permiti Gerard de Veer descansa na paz. |
||||||||||
|
|
||||||||||||
|
||||||||||||
