POLIS A HAYA TIP ENCUANTO USO DI ARMA QUIMICO

ORANJESTAD (AAN): Den oranan di marduga, polisnan a haya nan ta bay atende un informe serio cu a drenta na central di polis.

   E habitante cu a yama a menciona  cu tin persona cu intencion di usa material kimico pa liquida un of mas persona.

   E centralista a tuma e locual e ciudadano a expresa hopi na serio. Mesora a despacha patruya Oranjestad na un cas den Caya Ernesto Petronia. E yamada a keda registra pa 2:15’or.

    Mientras tanto e unidad a acudi na e adres y mesora polis a tira bista den cura si lo por tin cos nan sospechoso. Polis a bati porta y bentana, ningun reaccion nan a ricibi.

   Polis a reporta na central cu nan no a constata nada particular. Manera ta conoci e asunto di material kimico a causa hopi dolor ya cu miles di persona a perde nan bida door di elimina cantidad di ser humano inocente tanto muher, homber y mucha entre otro na Irak.

---

UN PROBLEMA CU SURINAMEÑO NA BOEGOEROEI

ORANJESTAD (AAN): Diaranzon den oranan di mainta, central di polis a notifica patruya di Noord pa bay na Boegoeroei, na Perle D’or.  Pasobra segun e informe nan a haya bishita indesea.

   Polis cu a presenta a atende personal encarga cu e agencia di viahe. E empleado a splica e polisnan cu algun dia caba e homber di inicialnan J.O. a presenta na e despacho y ta haci fastioso.

   Segun informe suministra na polis, cu e homber J.O. ta naci na Suriname di  41 aña y e ta biba na hulanda y e ta cu vacacion na Aruba, ademas e tin un fecha pa e  regresa Hulanda.

   Pero tur dia segun e J.O. ta presenta tur dia molestia e empleadonan y cu e kier bay hulanda mas trempan. Polis a papia cu e homber Surinameño, esta J.O. cu ta hospeda na un compleho di apartamento y e ta debenan placa.

   A bin saca afor cu e J.O. segun e recorte policial kico ta e situacion di e bishitante, aparentemente e lo ta biba den un instituto na Hulanda pa cual e ta insisti pa ora e regresa na e instituto nan lo paga debenan cu e tin.

   J.O. tabatin solamente 40 Dollar mas 10 Florin den su poder, pz evita e homber keda riba lomba di gobierno, a yega na un solucion pa e J.O. bay cu taxi na e apartamento na unda e ta hospeda entrega yabi pasa man pa su pertenencianan y  bay  direccion aeropuerto pa asina aborda avion regresa Hulanda.

---

TIN SOSPECHO CU UN “MINI-MAN” A JOYRIDE E TERCEL

ORANJESTAD (AAN): Central di polis a dirigi patruya di Oranjestad na Primavera, pasobra banda di Colegio Conrado Coronel a descubri un auto modelo Tercel color cora procedente di ladronicia.

   E unidad policial cu a presenta a haya enberdad un auto Toyota Tercel staciona cu number A-48150, y hasta motor di e vehiculo ta cendi.

   Polis a tuma nota  cu entre otro dashboard ta intacto y loke a hala nan atencion cu glas di e porta banda chofer ta saca for di su lugar. Tabata tambe curioso pa sa ya cu a descubri un cusinchi basta halto riba asiento di chofer.

   Sospechoso a lanta cu posiblemente e manehador tin un postura di un “mini-man”. Mientras tanto a presenta na e lugar e doño di e Tercel, y e doño a dicidi di bay cas cu su auto.  E no kier perde tempo cu Polis Tecnico pa check vingerprints, etc.

---

DEMASIADO JALOERSHEID TA CONDUCI NA PROBLEMA

ORANJESTAD (AAN): Diaranzon mainta 7’or, relaciona cu informe ricibi a dirigi patruya San Nicolas na un cas situa na Sabana Basora.

   Segun esun cu a yama ta menciona cu a surgi problema entre un muher y un homber. Patruya cu a presenta na e direccion a atende e homber inicialnan F.O., y el a bisa di tin problema cu e muher. Den mesun rosea F.O. ta añadi c me no kier pa polis papia cu su señora.

   E señora no a sali pafor pa duna cara mientras tanto patruya a move for di e lugar. Perot res ora despues central di polis ta notifica e mesun unidad pa bay na e mesun direccion na Sabana Basora ya cu e problema lo ta escalando entre e homber y e muher. E biaha aki si polis a topa cu e señora inicialnan N.V.M.O. naci na Colombia di 37 aña di edad.

   Segun su version na polis, di a discuti cu e homber, motibo ta cu F.O. ta demasiado celoso, pa colmo e ta alcoholico. Polis durante di e asistencia a purba di intermedia pa e pareha comprende cu nan tin di busca ayudo profesional cerca na instancia entre otro departamento social..

---

 Back