|
|
|
|||||||||||
|
 |
segun Acusado, “ACCIDENTALMENTE MI A DAL E UN MOKETE Y ACCIDENTALMENTE SU RENCHI TABATA DEN MI MAN” Diabierna mainta tabata tin diferente caso penal na corte.Un di e casonan aki tabata e caso di Jermain N.N, naci na Jamaica na 1985.J. a wordo acusa di a atraca un persona, usando violencia. Ta asina cu polis a haya un melding cu un persona a wordo atraca y despues di un rato nan a topa cu e hoben J.N.N, kende tabata core y ta soda. E homber cu e entrega e denuncia a splica cu J. a ranca su cadena di oro y renchi for di su garganta, mientras cu e J. a dal e un mokete tambe. Den corte J. a splica huez cu esaki no ta berdad.El a bisa cu el a pidi e persona placa, pasobra e tabata tin mester di esaki pa e paga bus pa bay cerca su pareha. E homber a hasi como si fuera e tabata bay coi placa pa J. pero a saca un cuchio pe. Esaki segun J. kende a bisa cu ora cu esaki a sosode, el a medio pusha e homber y pesey e cadena a kibra. Tambe el a bisa cu ora cu e tabata core bay, diripiente el a ripara cu renchi di e homber tabata den su man y el a tira esaki afo. E acusado a splica huez cu accidentalmente el a dal e homber ora el a pushe y cu accidentalmente e renchi tabata den su possion. Huez a trece dilanti cu den rapport di polis ta para cu el a admiti cu el a atraca e persona. J. a bisa huez sinembargo cu e polisnan no por a papia Ingles bon, pues nan lo a compronde malo. Huez a confronta e sospechoso cu e echo cu den rapport di polis tambe ta para cu el a conta polis cu tabata e homber kende a bin puntre pa placa y saca cuchio pe, mientras cu den corte el a bira e storia. Fiscal a pidi un castigo di 9 luna, kitando e 93 dianan cu el a sinta caba, mientras cu loke resta mester wordo cambia den 180 ora di trabao pa comunidad, teniendo na cuenta cu e echo cu e hoben a caba di haya un trabao Huez na final a dicta cu e ta bay di acuerdo cu exigencia di fiscal |
||||||||||
|
|
||||||||||||
|
||||||||||||
